ТАРТИБИ НАВИ БАРГУЗОРИИ ТӮЙИ ДОМОДИВУ АРӮСӢ

0
120 просмотров

Дар асоси супориши протоколии маҷлиси Ҳукумати Ҷумҳурии Тоҷикистон ва бо мақсади пешгирӣ аз паҳншавии бемории сироятии коронавирус минбаъд тӯйҳои домодиву арӯсӣ дар доираи оила бо иштироки шумораи камтарини одамон баргузор карда мешаванд, хабар медиҳад АМИТ «Ховар» бо истинод ба Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон.

Тибқи тартиби нав, ки аз рӯзи душанбе, 27 июл, амалӣ мешавад, шумораи ҳадди аксари иштирокдорон дар маросими тӯйи домодию арӯсӣ набояд аз 30-40 нафар бештар бошад.

Вобаста ба ин, Кумита ба мақомоти иҷроияи ҳокимияти давлатии вилоятҳо ва шаҳру ноҳияҳои ҷумҳурӣ барқия ирсол намудааст.

«Тартиби мазкур то ба эътидол омадани вазъ дар ҷумҳурӣ вобаста ба паҳншавии бемории сироятии COVID-19 амал хоҳад кард», — гуфт котиби матбуоти Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Афшини Муқим дар суҳбат бо АМИТ «Ховар».

Тавре қаблан АМИТ «Ховар» хабар дода буд, бо назардошти ба эътидол омадани вазъияти паҳншавӣ ва интиқоли бемории сироятии коронавирус дар Тоҷикистон Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19 қарор қабул намуд, ки тибқи он аз 20 июни соли 2020 дар мамлакат барои гузаронидани тӯйи хонадоршавӣ муваққатан дар доираи то 100 нафар даъватшуда ва танҳо як маърака дар маҳалли истиқомат ё дигар муассисаҳои хизматрасонӣ, аз ҷумла тарабхонаю ошхонаҳо бо риояи ҳатмии қоидаҳои санитарию гигиенӣ иҷозат дода шуд.

Манбаъ: АМИТ «Ховар»

Нет комментариев

Также рекомендуем

Зумрад — маҳалли гармобшиносии курортӣ

Осоишгоҳи Зумрад яке аз осоишгоҳҳои  муолиҷавии бонуфузи Тоҷикистон ба ҳисоб меравад.  Маҳали гармобшиносии курортӣ дар вилояти Суғд, дар 80 км ба ҷанубу шарқ аз Хуҷанд, ...
%d такие блоггеры, как:

Сообщить об опечатке

Текст, который будет отправлен нашим редакторам: