Тарзи дуруст тайёр кардани чой

0
371 просмотров

Марҳилаҳои пайдарҳами тарзи дурусти ҷӯшонидани чой.

Чойники холии чойдамкуниро 3-4 маротиба бо оби гарм чайқонида, онро гарм кунед. Ҳангоми ҷӯшидани об дар ҳол ба дохили чойник чойи хушк андохта, ба болояш оби ҷӯшидаро мерезед. Дар аввал оби ҷӯшидаро то нисфи чойник мерезед. Агар чой кабуд бошад, оби ҷӯшро то ба чор як ҳиссаи чойник мерезед. Баъдан дар ҳол даҳони чойникро пӯшед. Сипас ба болояш сачоқчае партофта монед, то ки он тамоми қисми болоии чойник ва ҷумаки онро пӯшонад. Дар ин ҳолат бӯйи хуши чой нигоҳ дошта мешавад.

Чойи дамкардаро вобаста ба намуди чойи хушк аз 3 то 15 дақиқа мегузоред, то ки чой ранги заруриро пайдо намояд. Намуди нозуки чойи хушкро пас аз ба чойник дам кардани чой кам нигоҳ доред ва ба нӯшиданаш оғоз намоед. Чойи дамкардашударо бо болишт ва пахта пӯшонида, нигоҳ  доштан мумкин нест. Дар ин ҳолат чой бемазза мешавад ва бӯйӣ ғализ пайдо мекунад. Вақте, ки чой тайёр шуд, чойнике, ки то нисф оби ҷӯш рехта будед, то даҳонаш аз оби ҷӯш пур кунед. Агар дар руи чой кафк пайдо шавад, аз ин бар меояд, ки ҷойжело хуб омода шудааст. Агар чой кафк надошта бошад, маълум мешавад, ки чой хуб наҷӯшидааст. Кафки рӯи чойро бо қошуқ гирифта партофтан лозим нест. Дар ин ҳол чойро ба пиёлаи тоза рехта, боз онро ба чойник мерезед. Мардуми тоҷик инро боз чойгардон ҳам мегӯянд. Дар ин ҳолат чой хуб омезиш меёбад. Чойи ҷӯшидашудаи тайёрро танҳо дар давоми як соат нӯшида, тамом кардан лозим аст ва онро ба рӯзи дигар мондан мумкин нест. « Чойи тару тоза ба мисли малҳаместу чойи ба шом пасмонда ба мисли мор заҳрнок » – мегӯянд дар зарбулмасали халқхои шарқ.

 

Нет комментариев

Также рекомендуем