«Тавҳидбонк», аввалин бонки исломӣ дар Тоҷикистон

0
104 просмотров

Тоҷикистон дар роҳ ба сӯи бонкдории исломӣ қадамҳои нахустин мегузорад. Далели ин соҳиби иҷозатнома гардидани аввалин бонки исломӣ дар Тоҷикистон- «Тавҳидбонк»  мебошад, ки минбаъд барои анҷом додани амалиёти бонкии исломӣ бо пули миллӣ ва асъори хориҷӣ дар бозори хизматрасониҳои бонкии мамлакат фаъолияти худро ба роҳ монда, тавсеа мебахшад.

Дар ин росто, имрӯз Раиси Бонки миллии Тоҷикистон Ҷамшед Нурмаҳмадзода ба иҷрокунандаи вазифаи раиси Ҷамъияти саҳомии кушодаи «Тавҳидбонк» Шералӣ Зардов иҷозатнома барои фаъолияти бонкдории исломӣ супорид. Ҷамшед Нурмуҳаммадзода изҳор дошт, ки ба фаъолият шурӯъ кардани аввалин бонки исломӣ дар Тоҷикистон барои низоми бонкии мамлакат рӯйдоди муҳим арзёбӣгардида,  саҳифаи наверо дар рушди бонкдории исломӣ дар мамлакат боз намуда инчунин барои ҷалби сармояи хориҷӣ ва кушодани бонкҳои нав бо принсипи бонкдории исломӣ дар Тоҷикистон мусоидат хоҳад кард. Ҳамзамон ҷиҳати фаъолияти пурсамар барои рушди низом бо истифода аз таҷрибаи нави бонкдории исломӣ ба роҳбарияти «Тавҳидбонк» дастуру тавсияҳои мушаххас дода шуд.

Мусаллам аст, ки бо мақсади муҳайё намудани заминаи ҳуқуқӣ барои роҳандозӣ намудани бонкдории исломӣ  дар мамлакат ҳанӯз соли 2014 Парлумони мамлакат Қонуни Ҷумҳурии Тоҷикистон «Дар бораи фаъолияти бонкии исломӣ» қабул намуда буд. Қонуни мазкур асосҳои ҳуқуқӣ ва ташкилии фаъолияти бонкии исломиро дар Ҷумҳурии Тоҷикистон муайян намуда, барои пешбурди фаъолияти бонкии исломӣ шароити мусоид фароҳам месозад.

Бояд тазаккур дод, ки бо ташабусси саҳмиядорони ҶСК «Соҳибкорбонк» бинобар ба бонки исломӣ табдил додани бонк бо қарори Маҷлиси умумии саҳмиядорон аз 12 июни соли 2019  номи он ба ҶСК «Тавҳидбонк» табдил дода шуд.

Манбаъ: АМИТ «Ховар»

Нет комментариев

Также рекомендуем

Мэром Гибралтара стала «Мисс Мира 2009»

Обладательница титула «Мисс Мира 2009» Кайане Лопес стала мэром Гибралтара — формальным представителем этой заморской территории Великобритании, сообщает в среду издание The Daily Telegraph. 30-летняя Лопес была ...
%d такие блоггеры, как:

Сообщить об опечатке

Текст, который будет отправлен нашим редакторам: