Тавсияҳо барои зебоӣ

0
529 просмотров

Борҳо дар бораи зебоӣ шунидаему хондаем. Аммо на ҳама вақт дастуру воситаҳое, ки дар шароити хона тавсия дода мешаванд, барои истифодабарандагон натиҷаоваранд. Ҳоло мо оддитарин воситаҳои нигоҳдорандаи зебоиро ба шумо тавсия медиҳем:

Аспирин. Шояд на ҳама донанд, ки сабӯсаки сарро метавон бо ҳаби аспирин табобат кард. Ғайр аз ин, он хусусияти табобатӣ ҳам дорад. Аспирин пӯсти беҷоншудаи сарро пурра резонда, решаҳои мӯйро мустаҳкам ва ба дарозшавиаш мусоидат мекунад. Коршиносони соҳаи зебоӣ мегӯянд, ки аспирин дар таркиби ҳар  шампуне, ки зидди сабӯсак омода гаштааст, мавҷуд аст.

Роҳи омода кардани маҳлул: 10-12 дона доруи аспиринро дар як истакон оби ширгарм ҳал намуда, ин обро ба  решаҳои мӯйятон хуб молида, онро 10 дақиқа маҳс кунед. Пас аз ин амал мӯйҳоятонро шуста, аз моеъҳои мулоимкунандаи мӯй (кондитсионерҳо) истифода кунед.

Хокаи пудра. Шумо ҷое шитоб дореду вақти шустани мӯйҳои равғанинатонро пайдо накардед, пас барои тобиши тозагӣ бахшидан ва рафъи намуди равғанноки мӯй ба решаҳои он каме пудра ё хокаи хушкунанда (присипка) пошида онро нағзакак молед.

Хамираи дандоншӯӣ: Гармичаро метавон тавассути хамираи дандоншӯӣ табобат кард. Барои ин, каме хамираи дандоншӯиро ба он молида пас аз 10-15 дақиқа шӯед.

Равғани зайтун: Он барои тоза кардани ороиши чашм тавсия дода мешавад. Қайд кардан ба маврид аст, ки ин амал хусусияти шифобахшӣ низ дорад.

Қулфинай: Барои барқарор кардани сафедии табии дандонҳо манфиатовар аст. Зеро дар таркиби он кислотаи себӣ, ки бо пардаи зарди дандон мубориза мебарад, зиёд аст. Барои мустаҳкам намудани дандонҳо қулфинайро кӯфта, ба ҷойи хамираи дандоншӯӣ истифода баред.

Сирко: Агар як қошуқча сиркоро дар 3 литр об ҳал кунонда, мӯйҳоятонро чайқонед, онҳо ҷилои тоза пайдо мекунанд. Барои пӯсти аз шуоҳои офтоб сӯхта низ метавон аз ин омехта истифода бурд. Аз хотир набароред, ки пас аз истифодаи омехтаи сирко мӯйҳо ва баданатонро боз як маротиба бо оби тоза шӯед.

Яхдон: Агар хоҳед, ки лак барои нохунҳо ғафс нашавад, онро дар яхдон нигоҳ доред.

Шамма: Барои рафъ намудани халтаву сиёҳии бемавриди зери чашм шаммаи чой ба шумо кӯмак мекунад. Шаммаро зери чашм гузошта, муддате нигоҳ доред. Пасон бо пахта гирди чашмонро пок кунед.

 

 

Нет комментариев

Также рекомендуем

8-летний шахматист 8 раз стал чемпионом Америки.

История человечества знала много гениальных людей, поражавших своими способностями с самого раннего детства. Знакомьтесь: Самуэль Герман Решевский, вундеркинд и чемпион мира по шахматам. Удивительно, что ...