Тавсияҳои Кумитаи ҳолатҳои фавқулода ва мудофиаи гражданӣ барои онҳое, ки шино карда наметавонанд

0
1 848 просмотров

KHF-Gar-shiinovar-nesti-po Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар мавсими оббозӣ шаҳрвандони ҷумҳуриро огоҳ менамояд, ки риоя накардани қоидаҳои бехатарӣ дар наздикии кўлҳо, ҳавзҳо ва обанборҳо метавонад ба оқибати нохуш- ғарқшавӣ оварда расонад. Аз сабаби риоя накардани қоидаҳои бехатарӣ ҳангоми шиноварӣ ва оббозӣ дар кўлу ҳавзҳо, обанборҳо ва дарёҳо  ҳамасола дар Тоҷикистон одамон ғарқ мешаванд, ки бештарашонро кўдакон ташкил медиҳанд. Дар робита ба ин барои пешгирӣ ва рух надодани оқибатҳои нохуш бо кўдакон ва калонсолон Кумитаи ҳолатҳои фавқулода ва мудофиаи гражданӣ қоидаҳои зеринро ҳангоми шиноварӣ тавсия медиҳад, ки бо риоя гардидани он метавон аз ҳолати нохуш худро эмин дошт:

images

 — Аксари одамон на аз он сабаб ғарқ мешаванд, ки шиновариро наметавонанд, балки ноогоҳона ба масофаи дуртар шино мекунанд ё тарсида ба воҳима дода мешаванд ва боварии худро аз даст медиҳанд, ки ин боиси ғарқшавӣ мегардад.

— Танҳо баъд аз 1 ё 2 соати хўрокхўрӣ метавонед ба шиноварӣ машғул шавед.

— Шиноварӣ дар ҳавзҳои рўкушодае, ки ҳарорати обаш аз 15 дараҷа паст аст, иҷозат дода намешавад, зеро ҳолатҳои аз ҳуш рафтан ва сармозадагӣ имконпазиранд.

— Дар ҳавзҳо ва мавзеъҳои ношинос набояд оббозӣ кард. Дар зери ин гуна обҳо мумкин аст сангу кундаҳо, оҳанҳо ва арматураҳо бошанд.

— Агар хоҳед ба шиноварӣ машғул шавед, набояд аз соҳил дур шино кунед ва кӯшиш намоед, то аз ҳудуди мавзеи бехатар берун набароед.

— Дар мавзеъҳои ботлоқзор ва ё лойқадор оббозӣ кардан мумкин нест. — Агар мабодо дар вақти шиноварӣ ба растаниҳои баҳрӣ дармондед, ба воҳима дода нашавед. Аз назди ҳар гуна растаниҳои обӣ ба осонӣ халос шудан мумкин аст. Дар мавзеи растаниҳои зиёд зуд-зуд таваққуф намуда, шино намоед.

— Набояд дар ҳолати мастӣ ба об дароед ва оббозӣ кунед, чун ин амал қатъиян манъ аст.

— Ба ҳеҷ ваҷҳ шўхиомез ва ногаҳонӣ ягон нафарро ба об тела надиҳед, зеро ин шўхӣ метавонад ба марги одамоне, ки ҳассосияташон ба оби хунук баланд аст ва ё шино карда наметавонанд, оварда расонад.

Манбаъ:  www.khovar.tj

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: