Тавсияҳои табибон: маҳсулоте, ки бояд истеъмол намуд

0
647 просмотров

Дар хусуси 8 маҳсулоте маълумот медиҳем, ки онҳоро баъзеҳо маҳсулотҳои зарарнок медонанд, аммо дар асл фоидаи онҳо нисбатан бештар дида мешавад. Табибон мегӯянд, гӯшти сурх яке аз ин 8 маҳсулоте ҳаст, ки нисбат ба гӯшти намудаш сафедчаранг фоиданоктар аст. Баъзеҳо гӯшти сурхро зараровар хонда, аз гӯшти сафедчатоб истеъмол менамоянд. Аммо намедонанд гӯшти сафедчатоб равғани кам дошта, калориянокиаш ба андозаи гӯшти мурғ мебошад. Аз рӯйи гуфтаи табибон, агар дар сад грамм гӯшти мурғи бо ҷуворимакка парваришёфта 129 калория ва 4,8 грамм равған бошад, дар 100 грамм гӯшти сафедчатоб 135 калория ва 4,8 грам равған дида мешавад, ки аз гӯшти мурғ камӣ надорад. Ҳамчунин, фойдабахшии гӯшти сурх дар он аст, ки дар таркиби худ 3 баробар зиёд моддаи оҳан ва 4 баробар зиёдтар элементи таркибии рӯхро дорад, ки имунитети баданро зиёд менамояд.

Нони сафед яке аз дигар маҳсулотҳоест, ки инро низ бо сабаби камколориянок буданаш зиёд истеъмол намекунанд. Аммо нони сафед аз витамини В ва гурӯҳи аминокислотаҳо бой буда, дар таркиби худ минералҳои калсий ва оҳанро дорад. Дар баробари ин, нони сафед дар таркиби худ моддаеро доро мебошад, ки саломатии инсонро дуру дароз нигоҳ медорад ва бемориҳои дилу онкологиро пешгирӣ менамояд.

Равғани зард низ ба инсон фоидаовар аст. Он дар таркиби худ витаминҳои а, д, е, с ва калсиву фосфор дошта, аз аминокислотаҳо бой мебошад. Бояд гуфт, равғани зард ба ҳуҷайраҳои асаб фойдабахш буда, биноии чашмонро зиёд намуда, аз хирашавӣ эмин медорад. Ҳамчунин, устухон ва мушакҳои баданро мустаҳкам нигоҳ медорад. Табибон тавсия медиҳанд, ки агар инсон дар як рӯз 2-дона бутербуродро бо равғани зард истеъмол намояд, на танҳо миқдори холестиринро дар рагҳо зиёд мекунад, балки организмро бо антиоксид бой мегардонад.

Картошка низ яке аз он маҳсулотҳое ба ҳисоб меравад, ки дар таркиби худ моддаҳои фойдабахши зиёд дорад. Бино бар тадқиқоти олимони соҳаи тиб, картошка дар баробари бой будан аз калий ҳамчунин дар таркиби худ витамини С низ дорад. Дар таркиби картошка ба ғайр аз кислотаи аскорбин, боқимонда ҳамаи намуди гурӯҳи витаминҳои В, кислотаи фолий, намакҳои калсий, магний ва моддаҳои фосфору калий дида мешавад. Крахмал моддаи ягонаест, ки аз ҳама бештар дар таркиби картошка мавҷуд аст ва ба ҳамин хотир картошка метавонад, барои ҳазми хӯрок кӯмак намояд.

Ширро аз ҳама хуроки сабук мегӯянд. Ба гуфтаи табибон, дар таркиби 100 грамм шир, 3,2 гр равғани сабук, моддаҳои фосфор, калсий, витаминҳои А,В ва Д дида мешавад. Шир фаъолияти кори дилу ҷигар, майнаи сар ва асабро муътадил нигоҳ медорад. Дар сурати истеъмоли 1 литр шир дар як рӯз, организми инсон ба худ миқдори зиёди калсий, фосфор, рибофлавин, 50 фоизи протеин, 33 фоизи витамини А ва аскарбину кислотаҳоро мегирад.

Дар бораи тухм низ табибон тавсияҳои ҷолиб додаанд. Аммо дар даҳсолаи охир дар хусуси тухм фикрҳои манфӣ дида мешавад. Баръакси ин гуфтаҳо, зимни як тадқиқоте, ки олимони соҳаи тиб гузаронидаанд, дақиқ карда шуд, ки пӯсти тухм аз моеъи тухм дида, фоидаи бештар доштааст. Дар натиҷаи тадқиқот маълум гардидааст, ки дар таркиби пусти тухм аз ҳама бештар моддаҳое дида мешавад, ки барои дароз кардани қад мусоидат мекунад. Ҳамчунин, тухм аз миқдори зиёди витаминҳо ва минералҳо бой мебошад.Меваҳои ширинро низ табибон тавсия медиҳанд, ки истеъмол намоед. Бархе бар он назаранд, ки меваҳои ширин миқдори қанди хунро баланд мекунад, аммо ин ғалат аст. Табибон мегӯянд қанде, ки дар миқдори меваҳо дида мешавад, ба қанди хун ҳеҷ иртиботе надорад. Аз ин рӯ, тавсия дода мешавад, ки меваҳои ширинро бояд истеъмол намуд.Яхмосро яке аз шириниҳои (десертхои) беҳтарин меноманд. Шояд ба ин бовар накунед, лек тибқи тадқиқоти олимони тиб, яхмос намуди аз ҳама беҳтарин ширинӣ дониста шудааст. Яхмоси ҳақиқӣ ба гуфтаи табибон дар таркиби худ моддаеро доро мебошад, ки барои рӯй фойдабахш аст. Олимони инглис ва фаронсавӣ иброз доштаанд, яхмосе, ки аз шири хонагӣ ва қаймоқ омода карда мешавад, асабро ором нигоҳ дошта, хоболудиро бартараф месозад. Дар баробари ин, бетоқатиро низ раф месозад.

 

Нет комментариев

Также рекомендуем

Дастаи «Хуҷанд» дар ҷадвали Лигаи олӣ пешсаф аст

Бозии марказии даври 4-уми Чемпионати Тоҷикистон миёни дастаҳои Лигаи олӣ «Хуҷанд»-и Хуҷанд ва «Регар-ТадАЗ»-и Турсунзода дар варзишгоҳи «Спартак»-и шаҳри Хуҷанд баргузор гардид. Тавре аз Федератсияи ...