Тавсияи табибон: Ба Википедия бовар накунед!

0
593 просмотров

Коршиносони соҳаи тандурустӣ, дар 90 дарсади мақолаҳои Википедия дар мавриди тиб хатоҳои ҷиддӣ диданд. Муаллифони тадқиқот ба духтурон ва донишомӯзони Донишгоҳҳои тиббӣ тавсия медиҳанд, ки ба мақолаҳои доир ба тиб, ки дар Википедия ба нашр мерасанд, бовар накунанд.

Коршиносони амрикоӣ мақолаҳои Википедияро дар мавриди касалиҳои дил, саратони шуш, рӯҳафтодагӣ ва касалии қандро бо мақолаҳои илмӣ, ки дар нашрияҳои бонуфузи тиббӣ нашр шуда буданд,  муқоиса намуданд. Дар натиҷа маълум гардид, ки бештари маводҳои Википедия дар мавриди тиб хатоҳои ҷиддӣ доранд.

Википедия

Қомус (энциклопедия) –и бузурги онлайнӣ аз ҷониби фонди хайриявӣ сармоягузорӣ карда мешавад. Дар ҳоли имрӯз, дар Википедия беш аз 30 миллион мақола бо 285 забон нашр шудааст.

Анг

Ҳар нафари хоҳишманд метавонад, ки дар маводҳои Википедия тағйирот ворид созад ва ё мавод гузорад.

Феълан Википедия дар Интернет аз лиҳози зиёд истифода бурданаш дар мавқеи шашум қарор дорад. Аммо табибон аз оне, ки ҳар нафар метавонад, ки маводҳои тиббӣ гузорад, хело нигаронанд. Зеро тибқи як гузориш маълум гардид. Ки 70 дарсади табибон ва донишҷӯёни донишгоҳҳои тиббӣ аз Википедия ҳамчун сарчашмаи иттилоот истифода мебаранд.

Табибон мегӯянд, ҳарчанд Википедия барои пайдо кардани маълумот хело қулай аст, аммо духтуронро барои хотири таъмини саломатии беморон набояд аз Википедия ҳамчун сарчашмаи иттилоот истифода баранд. Зеро ба гуфтаи онҳо, тамоми мводҳо илмӣ нестанд ва маълум нест, ки аз ҷониби кӣ гузошта шудаанд.

Намояндагони расмии онлайн-қомус, ба мисли Стиви Бентон аз Wikimedia UK роҳҳои ҳалли ин мушкилотро пешниҳод кардаанд. Фонди хайриявӣ лоиҳаеро роҳандозӣ карданист, ки дар он муҳаррирони дорои дониши тиббӣ дошта ҷамъ меоянд. Муҳаррирони соҳаи тиб минбаъд ҳар он маводе, ки дар бораи тиб навишта мешавад, баъд аз дуруст будани мавод, иҷозаи нашрашро медиҳанд.

Сарчашма: «Science-News»

Нет комментариев

Также рекомендуем