Тахтачаи резакунии пластикӣ

331

Имрӯз оид ба интихоб ва истифодабарии  тахтачаи резакунии пластикӣ бароятон маълумот медиҳем.

 Биёед, дӯстон, аз таърихи пайдоиши тахтачаи резакунӣ маълумот гирем. Тахтачаҳои резакуниро ҳанӯз дар замонҳои антиқа истифода мебурданд. Дар он давра тахтачаҳоро асосан барои резакунии гӯшт дар маъракаҳои ашрофи мансабдорони Рим дидан мумкин буд. Аз ҷо ба ҷо гузоштани тахтачаҳои қадим кори осон набуд, зеро онҳоро аз санг месохтанд. Бо мурури замон тахтачаҳои чӯбин пайдо гаштанд, ки онҳоро то  замони мо истифода мебаранд.

Ҳамзамон дар солҳои 40-уми асри 20 дар Олмон химик Мюллер ва дар Иттиҳоди Шӯравӣ олим Андрианов дар як вақт пластмассаи силикониро ихтироъ намуданд, ки ба гармӣ, нармӣ, таъсири кислотаҳо ва ҳалкунандаҳои органикӣ тобовар буд. Аз он вақт, аниқтараш аз  мобайни асри 20 сар карда, тахтачаи резакунии пластикӣ истеҳсол гашт.

Имрӯзҳои ширкатҳои «Нега, Квинта, Мультипласт плюс, Колор, Пластик Центр» тахтачаҳои резакунии пластикиро истеҳсол мекунанд, ки дар бозору мағозаҳои мо низ дастрас кардан мумкин аст. Пеш аз харидорӣ намудан аввал тахтачаро бӯй кунед. Агар бӯйи тези пластик ба димоғатон расад, аз харидорӣ намудан даст кашед.

Одатан тахтачаҳои резакунӣ аз се мавод тайёр карда мешаванд: чӯбин, пластикӣ, шишагӣ. Шумо намедонед кадомашро интихоб намоед? Аслан дар хонатон бояд се намуди тахтача мавҷуд бошад. Тахтачаи пластикӣ барои реза кардани гӯшт, моҳӣ, мурғ; тахтачаи чӯбин барои реза кардани нон, тахтачаи алоҳида ё шишагӣ барои реза кардани меваю сабзавотро истифода баред.

Аз хотир набароред, ки пас аз анҷоми кор ҳатман тахтачаҳои резакуниро бо маҳлулҳои антисептикӣ бояд тоза кард.

Ин буд чанд маслиҳатҳои мо оид ба интихоб ва истифодабарии тахтачаи резакунии пластикӣ. Умедворем маслиҳатҳои мо дар зиндагиатон кӯмаки худро мерасонанд.

 

 

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.