Tcell: азнавбақайдгирӣ – ҳамагӣ як моҳ боқӣ монд!

356

tcell-plaza-adressҶиҳати иҷрои Қарори Ҳукумати Ҷумҳурии Тоҷикистон “Дар бораи тартиб ва талаботи пайвастшавӣ ба шабакаи алоқаи барқӣ” таҳти №207-7 аз 30.04.2016 с., ҶСП “Индиго Тоҷикистон” (Tcell) фаъолона азнавбақайдгирии сим-кортҳои муштариёнро дар тамоми ҳудуди Тоҷикистон ба таври ройгон ба роҳ мондааст.

Мақсади Қарори ҳукумат ва азнавбақайдгирии ҳамаи муштариён ба танзим даровардани фурӯши сим-кортҳо ва пайвасти муштариён ба шабакаи алоқаи барқӣ мебошад. Дар ниҳоят, раванди азнавбақайдгирӣ баҳри самараноктар таъмин намудани амнияти кишвар ва зидди таҳдидҳои террористӣ мубориза бурдан кӯмак хоҳад кард.

Ба ҳамаи муштариёне, ки ҳануз азнавбақайдгирӣ нагузаштаанд, зарур аст ба наздиктарин маркази хизматрасонии Tcell муроҷиат намоянд. Тартиби азнавбақайдгирӣ дар асоси пешниҳоди шиносномаи шаҳрванди Ҷумҳурии Тоҷикистон (корти идентификатсионӣ) ё ҳуҷҷатҳои таъсискунандаи шахси ҳуқуқӣ анҷом дода мешавад.

Азнавбақайдгирӣ ройгон буда, дар чанд дақиқа анҷом дода мешавад.

Дар ҳолати нагузаштани азнавбақайдгирӣ аз ҷониби муштарӣ, ширкат маҷбур мегардад фаъолияти сим-кортро масдуд намояд.

Агар шумо сим-кортеро истифода мебаред, ки ба номи худатон бақайд нагирифта шудааст, онро метавонед ба номи худ бақайд гиред, дар ин ҳолат ба шумо лозим меояд ба як чанд саволҳои содаи оператор ҷавоб диҳед. Агар сим-корт ба номи шумо бақайд гирифта шуда бошад, вале дар айни ҳол шумо берун аз ҳудуди ҶТ қарор дошта бошед, пас шахси ваколатдор дар Тоҷикистон (ки дар асоси қонуни ҶТ дорои ҳуқуқи ваколатӣ мебошад) метавонад ба марказҳои хизматрасонии ширкат аз номи шумо муроҷиат намуда, азнавбақайдгирӣ гузарад. Дар ин ҳолат зарур аст ваколатномаи дахлдор ба оператор пешниҳод шавад.

Сим-кортҳое, ки барои интернет истифода бурда мешавад, инчунин бояд аз нав бақайд гирифта шавад.

Мӯҳлати азнавбақайдгирӣ то охири моҳи апрели соли 2017 муқаррар шуда, барои азнавбақайдгирии сим-кортҳо ҳамагӣ як моҳ боқӣ мондааст. Тартиби азнавбақайдгирӣ хеле сода мебошад:

* Ба наздиктарин маркази хизматрасонии муроҷиат намоед

* Шиноснома ё корти идентификатсиониро пешниҳод намоед

* Ба оператор рақамҳое, ки бояд азнавбақайдгирӣ гузарад, пешниҳод намоед

* Рақамҳои худро бидуни масдудшавӣ истифода намоед

Барои роҳати муштариён, ширкати Tcell реҷаи кории як чанд марказҳои хизматрасониро дарозтар намуд, ки рӯйхати марказҳои хизматрасонии мазкурро метавонед аз хадамоти иттилоотӣ дар рақами 7070 муайян намоед.

Дар мӯҳлати муқарраршуда, ҳамаи муштариёни ширкат бояд азнавбақайдгирӣ гузаранд. Аммо, бархе аз муштариён мутаасифона бо далели маҳдуд будани имкониятҳои худ имкони ба марказҳои хизматрасонии ширкат омаданро надоранд. Махсус барои роҳати муштариён, ширкати Tcell “нуқтаи мобилӣ”-ро ташкил намуд, ки ба муассисаҳои махсуси камбизоати аҳолӣ ташриф оварда, кормандони ширкат дар маҳалҳо муштариёни ширкатро аз нав бақайд мегиранд.

Барои пешгирӣ намудани масдудшавии сим-кортҳо ва аз даст надодани рақами маъмулии худ, дар ҳафтаҳои наздик зудтар азнавбақайдгирӣ гузаред.

Манбаъ: Хадамоти иттилоотии ширкат.

НЕТ КОММЕНТАРИЕВ

ОСТАВЬТЕ ОТВЕТ