“Tcell – Футбол ба назди шумо меояд”: Лигаи кӯдаконаи футбол тамоми Тоҷикистонро фаро гирифт!

0
490 просмотров

Баъд аз анҷоми бозиҳои ниҳои ва муайян намудани чемпионҳо дар Суғд, Хатлон, ноҳияҳои тобеи ҷумҳурӣ ва шаҳри Душанбе, лигаи кўдаконаи «Tcell – Футболи ба назди шумо меояд» дар шаҳри Хоруғу Рӯшон ва Рашт базиҳоро оғоз намудааст.

Лигаи футболи кӯдакона «Tcell – футбол ба назди шумо меояд» дар моҳи январ дар саросари кишвар оғоз гардид ва дар он кӯдакони аз синни 6 то 12 сола иштирок менамоянд. Дастгирии лигаи кўдаконаи мазкур аз ҷониби ширкати Tcell ин ғамхорӣ ба насли наврас  ва ҳаёти солимона аст, ки аз кӯдакӣ таҳкурсии дарки тарзи ҳаёти солимро дар шуури онҳо нақш мебандад. Дастгирии лоиҳаи зикргардида ҷузъи муҳими сиёсати ширкат оиди масъулияти иҷтимоӣ мебошад.

Мавсими нави лигаи футболи кӯдакона дар соли 2018 бори панҷум аст, ки таҷлил мегардад. Дар баробари он бори якум аст, ки дар тамоми қаламрави Тоҷикистон гузашта истодааст. Миқдори футболбозон хеле зиёд аст: шумораи иштирокчиён аллакай аз 14 000 нафар зиёданд.

Дар маросими ифтитоҳи лига дар ноҳияи Рашт зиёда аз 100 футболбозони ҷавон ширкат варзиданд. Дар марҳилаи пешазинтихоби гурӯҳҳо аз Рогун, Сангхои, Нуробод, Рашт, Тоҷикобод ва Лахш иштирок хоҳанд кард. Дар моҳи июн бошад, беҳтарин гурӯҳҳо дар қисмати ниҳоӣ иштирок хоҳанд кард.

Дар бозиҳои ниҳоӣ дар Хоруғ, ки моҳи июл баргузор мегардад, дастаҳои Хоруғ, Шуғнон, Ишкошим, Роштқалъа ва Мурғоб  барои ҳуқуқи “чемпион” интихоб шуданашон иштирок мекунанд. Ғайр аз ин, дар фестивали ифтитоҳие, ки дар Рушон баргузор мегарданд, дастаҳои ноҳияҳои Дарвоз, Ванҷ ва Рушанск то июли соли ҷори низ қувваозмоӣ хоҳанд намуд.

Дар вилоятҳои Суғд, Хатлон, ноҳияхои тобеи ҷумҳурӣ ва Душанбе бозихои лигаи «Tcell — Футбол ба назди шумо меояд» ба анҷом расиданд, беҳтарин дастаҳо ва беҳтарин бозингарон муайян гаштанд. Футболбозони ҷавон  бо шавку рағбати хоса бози карданд ва аз ҳама беҳтаринхо имконият доштанд то ба дастаҳои мактабҳои футболи кудакону ҷавонон интихоб гарданд ва касби варзишии худро давом диҳанд.

Мақсади асосии лоиҳа ин ҷалб кардани кӯдаконро ба футбол аст. «Федератсияи футболи Тоҷикистон ҳамеша ба рушди футболи кӯдакон диққат ҷудо менамояд. Соли ҷорӣ лигаи Футболи кӯдакона ба тамоми минтақаҳои кишвар расид, ҳазорҳо футболбозони ҷавон дар лоиҳаи мазкур иҳтирок менамоянд. Мақсади дигар ҷори намудани тарзи ҳаёти солим аст. Боварии комил дорем, ки ин гуна чорабиниҳо ба насли наврас хеле муфид ва айни муддаост» — мегӯяд Директори лигаи кӯдакона Увайдо Давлатбеков.

Манбаъ: хадамоти иттилоотии ширкат

Нет комментариев

Также рекомендуем

Барги ғор

Барги ғор – ин барги хушконидашудаи дарахт ё буттаи ҳамешасабзи ғор буда, дар соҳили баҳри Миёназамин, баҳри Сиёҳи Кавказ ва Соҳили Ҷанубии Қрим мерӯяд. Дар ...