Tcell марказҳои нави хизматрасониро барои муштариён ифтитоҳ намуд

0
177 просмотров

Ин тобистон дар қаламрави вилояти Хатлон ва НТМ боз 7 маркази хизматрасонӣ дарҳои худро ба рӯи муштариёни ширкат боз карданд. Барои ҳар як мизоҷ иртибот бо ширкат бояд дуруст ва саривақт роҳандозӣ шавад ва ин амал маҳз аз маркази хизматрасонӣ оғоз меёбад. Як чунин марокизи хидматрасонӣ бо таҷҳизоти пешрафтаву муосир дар шаҳрҳои Бохтар (собиқ Қӯрғонтеппа) Норак, Кӯлоб ва навоҳии Балҷувону Ҳисору Ваҳдат муштариёнро истиқбол менамоянд.

Тибқи дурнамои рушди Tcell, талаботи ҳар як муштарӣ дар мадди аввал қарор дорад. Барои ҳамин ҳам ширкат шабакаҳои хидматрасониашро зиёд мекунад. Теъдоди онҳое, ки алоқаи боэътимодро аз Tcell гирифтанианд, ҳамарӯза меафзояд, зимнан ширкат аз ин истиқболи гарми муштариён дар канор намемонад ва дар посух хидматрасониро беҳтар ба роҳ мемонад.
Таври мисол, дар шаҳри Норак, ки аҳолиаш қариб 30 ҳазор нафарро ташкил медиҳад, 2 маркази нави хизматрасонии Tcell дар минтақаҳои барои сокинон мувофиқ- дар шафати бозор ва идораи шӯъбаи андоз ба фаъолият пардохтанд.

Дар ноҳияи Балҷувони вилояти Хатлон низ маркази хизматрасонӣ дар наздикии бозори марказӣ- мавзеъи барои сокинон ошнову мувофиқ ифтитоҳ гардид. Муштариёни ширкат аз ин ба баъд роҳи дурро тай накарда, дар ин ҷо аз мутахассисон машварат мегиранд, ба шабака пайваст мешаванд ва дигар ниёзҳои иртиботиашонро бароварда месозанд.

Дар марказҳои ҷадиди хизматрасонии ширкати Tcell кормандони ҳирфаии баландихтисос, ки давраи бозомӯзиро гузаштаанд, фаъолият менамоянд. Муштариён метавонанд дар марказҳои мазкур ба ҳама пурсиши худ посух бигиранд, мушкилоти техникии иртиботашонро рафъ созанд, симкорти Тсеll-ро фаъол намоянд ва ё ба тавозунашон маблағ гузаронанд, барномаи “Чӣ гап”-ро барои суҳбат бо наздиконашон пайваст намоянд

Марказҳои ҷадиди хизматрасонии ширкати Tcell-ро дар вилояти Хатлон ва НТМ бо суроғаву нишонии зерин пайдо кардан мумкин аст:

  • Ноҳияи Балҷувон- ҷамоати С. Амиршоев, деҳаи Саримазор (дар рӯ ба рӯи бозор)
  • Норак — к. Рӯдакӣ 20, дар наздикии шӯъбаи андоз
  • Норак — к. Рӯдакӣ, дар шафати бозори Сомониён
  • Кӯлоб – к. Исмоили Сомонӣ 20, назди меҳмонхонаи «Чинор»
  • Бохтар (Қӯрғонтеппаи пешин) – наздикии пойгоҳи ҳарбӣ
  • Ҳисор — к. Исмоили Сомонӣ №2, наздикии фурӯшгоҳи марказӣ
  • Ваҳдат — н. Рӯдакӣ, дар бинои кинотеатр (бозори Стансия)

То имрӯз марказҳои хизматрасонии ширкати Tcell дар ҳама шаҳрҳои бузурги Тоҷикистон ифтитоҳ гардида, барои муштариён дар сатҳи олӣ хидмат мерасонанд.
Аз дидори Шумо дар дафтарҳои хидматрасонии ширкати Тсеll хушҳол хоҳем шуд!

Манбаъ: Хадамоти иттилоотии Tcell

Нет комментариев

Также рекомендуем

РОССИЯ ПОПОЛНЯЕТ СВОЙ БЮДЖЕТ ЗА СЧЁТ МИГРАНТОВ

 Федеральная миграционная служба Российской Федерации сообщает, что до конца декабря текущего года продлить ‎патент на осуществление трудовой деятельности на территории  РФ  на 2016 год можно ...