Tcell ва Coca-Cola ба саросари Тоҷикистон ид ҳадя мекунанд

0
226 просмотров

Тобистон – замони таҷлил аз ҷашнҳои зебо, шабнишиниву сӯҳбатҳои хотирмон бо дӯстон, вақти хурсандиву вуқӯъи ҳодисаҳои аҷиб аст. Ду ширкати бузурги Тоҷикистон ба хотири ҷомеъа тасмим гирифтаанд, ки тарҳи муштаракеро барои баргузории ҷашнвораи хотирмону фаромӯшношуданӣ дар тобистон барои кулли тоҷикистониён таҳти унвони “Tcell&Coca-Cola Fest!” роҳандозӣ намоянд.

Ҷашнвора тайи ин муддат ба ҳама гӯшаву канори Тоҷикистон меравад ва ба ҳамватанонамон иди фаромӯшнашавандаро эҳдо мекунад! Даври аввали он аллакай анҷом ёфта, миқёси бузургу замони тӯлониро дар бар гирифт. Ид дар ин мӯҳлат дар 13 шаҳру ноҳия: Файзобад – Роғун – Нуробод – Тоҷикобод – Рашт – Сангвор – Дарвоз – Ванҷ – Рӯшон – Хоруғ – Ишкошим – Мурғоб ва Шуғнон баргузор гардид.

Ҷашнвораи тобистонаи Tcell ва Coca-Cola чӣ аст? Ин вақти шавқовару аҷиб ва хотирмон баргузоршуда аст! Ин баргузории озмуну бозиҳо, мусобиқаву чорабиниҳо дар ҳавои кушод дар беҳтарин варзишгоҳу боғҳои ҳар як шаҳру ноҳия аст. Ин имконияти беҳтарини бо оила будан, замони дур аз мушкилоти ҳаррӯзаи корӣ будан аст. Ҷашнвора дар ҳар шаҳр  аз 300 то 1000 нафарро новобаста аз синну сол гирди ҳам меорад, ки онҳо ҷашнвораро бо фазои гарму оғӯши боз, ҳамсон ба иди ҳақиқӣ истиқбол мекунанд. Аз ҳама асосӣ- сокинон дар ҷашнвора маълумоти муфид дар мавриди хидматрасонӣ ва пешниҳодҳои Tcell –ро ба даст меоранд. Онҳо маслан метавонанд  бастаи хидматрасониро аз ҷадвали G+ пайваст намоянд, ё барномаи “Чи Гап”-ро барои ҳамеша дар иртибот будан бо пайвандону наздикон васл кунанд.

«Барои мо ҷашнвораи Tcell ва Coca-Cola – рухдоди бузург аст. Мо бовар дорем, ки ин ҷашнвора ба одамон аз гӯшаҳои дуртарини Тоҷикистон низ иди ҳақиқиро ба армуғон мебарад, зеро чунин иду ҷашнвораҳо барои онҳо камтар иттифоқ меуфтад. Барои тамошои барномаи ҳунарии ҳунармандону ҳаҷвнигорон сокинони манотиқи дурафтодаро зарур меояд, ки ба марказҳои маъмурии шаҳру  вилоят раванд, аммо на ҳама ин имконият ва вақти заруриро доранд. Мо идро ба назди онҳо мебарем, дилхушии хонаводагӣ муҳайё мекунем, тӯҳфаҳ тақдим менамоем ва эътимод дорем, ки хотироти хубе барои онҳо боқӣ мегузорем”,-  мегӯянд намояндагони ширкати  Tcell.

Дар наздиктарин фурсат ҷашнвораи муштараки Tcell ва Coca-Cola ба шаҳру навоҳии вилояти Суғд ва баъдан ба НТМ, сипас ба вилояти Хатлон ба сафар мебарояд

Ба наздикӣ ид ба шаҳри Шумо меояд!

Манбаъ: Хадамоти иттилоотии Tcell

Нет комментариев

Также рекомендуем