Теъдоди шаҳрвандоне, ки сафари ҳаҷ карданд маълум шуд

0
338 просмотров

Дар мавсими ҳаҷи соли сипаригардида тавассути Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон  беш аз 6 ҳазор нафар шаҳрвандони Ҷумҳурии Тоҷикистон сафар карданд. Ин нуктаро дирӯз, 5 феврал раиси Кумитаи оид ба корҳои дин, танзими анъана ва ҷашну маросимҳои миллӣ Сулаймон Давлатзода зимни нишасти матбуотӣ иброз дошт. Зимни сафар ба ҳоҷиён ҳайати гурӯҳи корӣ — табибон ва роҳбаладон хизмат расониданд.  «Нархномаи ягонаи сафари ҳаҷ дар мавсими соли 2017 барои як нафар ҳаҷраванда дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон 32 ҳазору 671 сомонию 89 дирам муқаррар карда шуда, пардохти маблағҳои ҳаҷравандагон дар шуъбаҳои Бонки давлатии амонатгузории Ҷумҳурии Тоҷикистон  «Амонатбонк» дар шаҳру ноҳияҳои ҷумҳурӣ ба роҳ монда шуд», — илова намуд Сулаймон Давлатзода. Маврид ба зикри хос аст, ки Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон ҳамасола барои интихоби роҳбаладон озмун эълон менамояд. Дар робита ба ин Сулаймон Давлатзода гуфт: «Соли гузашта озмуни интихоби роҳбаладони мавсими «Ҳаҷ-2017» баргузор карда шуда, роҳбаладон интихоб гардиданд».

 

Манбаъ: сомонаи расмии АМИТ «Ховар»

Нет комментариев

Также рекомендуем

Қуроқдӯзӣ яке аз беҳтарин ҳунарҳост

Маводи дуюми мо дар бахши навэҷоди «Мӯъҷизаофар» пешниҳоди Шумост. Ҳамкори бахш Кумитаи иҷроияи вилояти Суғдии Ҳизби халқии демократии Тоҷикистон мебошад. Бахши «Мӯъҷизаофар» ба Соли рушди ...