Кори онлайн-ҳамёнҳоро барқарор карданд

0
158 просмотров

Маблағ гузаронидан ба онлайн-ҳамёнҳо муддати 4 моҳ ғайриимкон буд.

Терминалҳои пардохт аз моҳи июн кори онлайн-ҳамёнҳоро барқарор карданд. Ин маълумотро ба “Азия-Плюс” дар яке аз ширкатҳои молики терминалҳои пардохти кишвар тасдиқ намуданд.

Бино ба гуфтаи манбаъ, барои барқарор шудани кори онлайн-ҳамёнҳо роҳбарони терминалҳо  як қатор шартҳои Бонки миллии Тоҷикистонро иҷро карданд.

Зимнан зикр гардид, ки яке аз шартҳои асосии Бонки миллӣ шаффофияти мубодилаи суратҳисоби пурмешуда буд.

“Яъне зимни пул гузаронидан ба онлайн-ҳамён мизоҷ акнун мубодилаи асъори худро бо доллар ва рубл тибқи қурби Бонки миллӣ мебинад”, — хабар дод манбаъ.

Талаби дигари Бонки миллӣ дар муқаррар кардани комиссияи ягона барои ҳамаи ҳамёнҳо ифода меёфт, ки айни замон дар терминалҳо 10% комиссия аз шумори умумии маблағи воридмешуда муқаррар шудааст.

Тӯли чор моҳи охир пур кардани суратҳисоби онлайн-ҳамёнҳо дар Тоҷикистон тариқи терминалҳои пардохт ғайриимкон буд, аломатҳои ҳамён дар монитор вуҷуд дошта, лекин амалиёт бо онҳо дастнорас буд.

Мувофиқи қонунгузорӣ айни замон терминалҳо назди бонкҳо ё ташкилотҳои қарзии хурд кор мекунанд: хизматгузорони ин соҳа ҳанӯз то моҳи апрел бояд иҷозатномаи Бонки миллиро мегирифтанд.

Гап сари он аст, ки тибқи қонун “Дар бораи низомҳои пардохт”, ширкатҳои тиҷоратии машғул ба қабули пардохтҳо тариқи терминалҳо бояд бо ташкилотҳои қарзӣ қарордод баста, ба сифати агентҳои бонкии пардохт амал кунанд.

Онлайн-ҳамёнҳои бештар маъмулу писандида дар Тоҷикистон QIWI, Yandex ва Webmoney мебошанд, аз онҳо асосан барои пардохти маблағи маҳсулот ё хизматрасонӣ тавассути интернет ва интиқоли маблағ ба суратҳисоб ё кортҳои бонкӣ истифода мешавад.

Манбаъ: Сомонаи АИ «Азия Плюс»

Нет комментариев

Также рекомендуем

Ифтитоҳи аввалин эстакада дар шаҳри Душанбе

5 сентябри соли 2018 Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар маҳаллаи 82-юми пойтахт ...