Тоҷикистон аз рӯи истеҳсоли «энергияи сабз» яке аз пешсафони сайёра дониста шуд!

0
857 просмотров

Тибқи арзёбии созмонҳои байналмилалии молиявӣ Тоҷикистон аз рӯи фоизи истеҳсоли «энергияи сабз», яъне нерӯи аз ҷиҳати экологӣ тоза ба қатори шаш кишвари пешсафи сайёра шомил гардида, имрӯз истеҳсоли ин намуди энергия дар кишвари мо 98 фоизро ташкил медиҳад.

energetika

Дар қарни ХХI энергетика ба яке аз омилҳои муҳимтарини ҳастии давлатҳои олам табдил ёфта, бе рушди энергетика рушди соҳаҳои иқтисодиёту иҷтимоиёт ғайриимкон гардидааст.

Ҳукумати Ҷумҳурии Тоҷикистон ба даст овардани истиқлолияти энергетикии мамлакатро яке аз ҳадафҳои стратегӣ эълон намуда, барои ноил шудан ба истиқлолияти энергетикӣ тамоми тадбирҳои судмандро андешида истодааст.

energetika-2

Ҳамасола дар кишвар садҳо нерӯгоҳҳои хурду миёна мавриди истифода қарор дода мешаванд. Дар баробари ин, барои расидан ба истиқлолияти комили энергетикӣ дар кишвар боз бунёди даҳҳо неругоҳҳои хурду бузург ба нақша гирифта шудааст.

Дар даврони соҳибистиқлолӣ аз ҳисоби лоиҳаҳои афзалиятнок барои рушди соҳаҳои энергетика ба мо муяссар шуд, ки дар самти таъмини истиқлолияти энергетикӣ бо маблағгузории 36 миллиард сомонӣ иншооти хурду бузурги муҳимро оид ба истеҳсолу интиқоли барқ ба истифода диҳем. Аз ҷумла, низоми ягонаи энергетикии кишвар бунёд гардида, зиёда аз 1300 мегаватт иқтидорҳои нав ба кор андохта шуданд.

Қобили зикр аст, ки тибқи арзёбии созмонҳои байналмилалии молиявӣ Тоҷикистон аз рӯи фоизи истеҳсоли «энергияи сабз», яъне неруи аз ҷиҳати экологӣ тоза ба қатори шаш кишвари пешсафи сайёра шомил гардида, имрӯз истеҳсоли ин намуди энергия дар кишвари мо 98 фоизро ташкил медиҳад.

markazi-bar-u-garmidi-ii-dushanbe-2-2

Бо назардошти он, ки ягон кишвар тараққиёти худро бе рушди энергетика таъмин карда наметавонад, мо расидан ба истиқлолияти энергетикӣ ва истифодаи самарабахши неруи барқро ҳамчун яке аз ҳадафҳои стратегии давлат муайян кардаем. Бо мақсади ноил шудан ба ин ҳадаф ва азхудкуниву истифодаи самараноки захираҳои бузурги энергетикии мамлакат ҳоло 11 лоиҳаи давлатии сармоягузорӣ ба маблағи умумии 10 миллиард сомонӣ татбиқ шуда истодаанд. Дар қатори бунёди неругоҳҳои барқи обӣ сохтмону барқарорсозии иқтидорҳои дигари энергетикӣ, аз ҷумла навбати аввал ва дуюми Маркази барқу гармидиҳии «Душанбе-2» бо тавоноии 400 мегаватт амалӣ карда шуд, ки ба таъмин намудани иншооти гуногун ва сокинони шаҳри Душанбе бо гармӣ ва коҳиш додани норасоии барқ дар фасли зимистон равона гардидааст.

nbo-sarband

Илова бар ин, таҷдиди НБО «Сарбанд» ба маблағи 1,1 миллиард сомонӣ оғоз гардида, соли 2017 марҳалаи якуми барқарорсозии НБО «Норак» дар ҳаҷми 3 миллиард сомонӣ ва НБО «Қайроққум» ба маблағи 600 миллион сомонӣ шурӯъ мешавад. Рӯйдоди муҳими таърихӣ дар ин самт оғози бунёди сарбанди НБО «Роғун» мебошад, ки чанде пештар сурат гирифт.

nbo-norak

Аз аввали корҳои барқарорсозиву сохтмон ба иншооти зикршуда 12 миллиард сомонӣ, аз ҷумла соли 2016-ум 2 миллиарду 800 миллион сомонӣ маблағгузорӣ карда шудааст. Имрӯз корҳо дар ин иншооти тақдирсоз босуръат идома доранд ва тибқи нақша агрегати аввали он то охири соли 2018 ба кор дароварда мешавад.

nbo-ayro-um

Масъулияти кормандони ин соҳаи воқеан ҳаётофар дар мавриди таъмини зиндагии хушу гуворои халқ, рӯшании ҳар хонадон, ободию чароғонкунии кӯчаю маҳалла ва шаҳру диёр бағоят бузург аст. Мо заҳматҳои зиёд ва ташвишу тараддудҳои ҳамарӯзаи энергетикҳо ва ҷомеаҳои меҳнатии барқрасонро хуб дарк мекунем. Хосса, бо фарорасии фасли сармо ин ташвишҳо чанд баробар меафзоянд. Баробари ин ҳисси масъулиятшиносии ҳар як корманди соҳаро дар иҷрои содиқонаи  вазифа хуб эҳсос менамоем. Маҳз ҳамин ҳисси масъулият аст, ки новобаста аз мушкилоти мавҷуда кормандони шабакаҳои барқрасон шабу рӯз баҳри беҳтар таъмин намудани эҳтиёҷоти мардум ва хоҷагии халқ кӯшишҳои зиёд ба харҷ медиҳанд.

Дар ояндаи наздик бо хизмати софдилона ба пурра амалӣ гардидани яке аз ҳадафҳои асосии стратегии худ — таъмини истиқлолияти энергетикӣ ноил мегардем.

Манбаъ: khovar.tj 

Нет комментариев

Также рекомендуем