Тоҷикистон дар чемпионати ҷаҳон барои ба даври дигар баромадан имкон дорад

0
175 просмотров

Имрӯз дастаи мунтахаби наврасони Тоҷикистон дар бозии дуюмаш дар Чемпионати  ҷаҳон-2019 миёни футболбозони то 17-сола дар Бразилия аз дастаи мунтахаби наврасони Испания бо ҳисоби калони 1:5 мағлуб гардид. 

Тибқи иттилои манбаъ, футболбозони навраси Испания дар нимаи аввали дидор дарвозабони дастаи мунтахаби Тоҷикистон Шоҳрух Қирғизбоевро маҷбур карданд, ки чаҳор бор тӯбро аз тӯри дарвозааш бигирад. Ҳар чор гол аз масофаҳои наздик, аз ҷаримагоҳи  дастаи мунтахаби наврасони Тоҷикистон ба дарвоза ворид шуд. Герман Валера дар дақиқаи 4  ҳисобро боз кард. Голи дуюмро Роберто Наварро дар дақиқаи 20   ба ҳадаф  расонид. Голи сеюмро Пабло Морено дар дақиқаи 35-ум зад. Голи чаҳоруми испаниҳо ба Давид Ларрубиа (45+1) марбут аст.

Бозингари  дастаи мунтахаби наврасони Испания Алваро Каррилло дар дақиқаи 37-уми дидор тӯбро ба дарвозабони дастааш равона кард, вале ӯ онро дошта натавонист ва тӯб вориди дарвоза шуд. Ҳамин тариқ, нимаи аввали бозӣ бо ҳисоби 4:1 ба нафъи дастаи мунтахаби наврасони Испания ба поён расид. Дар нимаи дуюми дидор низ испаниҳо барои голзанӣ имконияти зиёд доштанд. Дар дақиқаи 64-ум ба Роберто Наварро муяссар шуд, ки голи панҷуми даста ва голи дуюми худро дар ин бозӣ ба ҳадаф расонад. Испаниҳо барои задани голи шашум ҳам кӯшиш карданд, вале тӯб баъди зарба ба тири дарвозаи дастаи мунтахаби Тоҷикистон бархӯрд.

Ба ин тартиб, ин бозӣ, ки комилан бо бартарии футболбозони навраси Испания сурат гирифт, бо пирӯзии барандаи медалҳои нуқраи чемпионати ҷаҳон ва қаҳрамони Аврупо бо ҳисоби калони  5:1 хотима ёфт.

Зимнан, ба ҳайати дастаи  мунтахаби наврасони Испания бозингароне дохиланд, ки дар бошгоҳҳои машҳури футболи Аврупо бозӣ мекунанд. Вале футболбозони навраси тоҷик дар бозӣ ба муқобили рақиби пурзӯру моҳирашон натавонистанд муқобилият нишон диҳанд ва то охири бозӣ ба худ наомаданд. Беҷуръатӣ, аз рақиб ҳаросидан ва тан додан ба шикасти худ мунтахаби Тоҷикистонро ба нокомӣ бо ҳисоби калон мувоҷеҳ кард.

Манбаъ: АМИТ Ховар

Нет комментариев

Также рекомендуем

Как починить разетку

Часто случаются такие ситуации, когда ты включаешь в розетку какой-нибудь электрический прибор, а с нее слышен треск, идет дым или розетка просто очень расшатанная. В ...
%d такие блоггеры, как:

Сообщить об опечатке

Текст, который будет отправлен нашим редакторам: