То соли 2040-ум компютерҳо нисбат ба одам бештар нерӯи барқ сарф хоҳанд кард

275

Компютерҳо дар ҳаёти ҷамъияти муосир мавқеи муҳимро ишғол менамоянд. Шумораи компютерҳои персоналии фурӯхташавандаи лэптопҳо бо суръати тез меафзоянд ва бо баробари он талабот ба истифодаи нерӯи барқ низ зиёд шуда истодааст.  Агар боз фермаҳои бузурги хизматрасониро бо суперкомпютерҳои суръатнокиаш баландтарин ба ҳисоб гирем, ки монандаи шикофии сиёҳ нерӯи барқро фурӯ мебаранд, ҳолат дар назар хело бад менамояд. Чанде пеш ҳисоботи ба табъ расонидаи Ассотсиатсияи истеҳсолгарони нимноқилҳо бисёр мутахассисонро ба фикр кардан водор намуд: Оё мо дар ояндаи наздик компютерҳои худро бо нерӯи барқ таъмин карда метавонем?

Аз соли 1990-ум комиссияи экспертҳои соҳибтаҷрибаи саноат, ки аз намояндагони 19 давлати истеҳсолкунандаи микропротсессорҳо иборат буд, харитаи истифодабарии қувваи барқро бо техникаи ба он мувофиқ тартиб доданд. Имрӯзҳо дар ассотсиатсия намояндагони танҳо 4 истеҳсолкунандаи чипҳо боқӣ монаданд, ки Intel, TSMC, Samsung ва Global Foundries мебошанд. Ҳисоботи охирини ташкилот дар бораи тадқиқоти истифодаи қувваи барқи нимноқилҳои чипҳо каме мушаввашкунанда мебошад. Зеро мутобиқи он аллакай дар соли 2040-ум мо компютерҳои худро бо қувваи барқ таъмин карда наметавонем. Ин ҳамаро дар диаграммаи каме пастар Шумо бо чашми худ дида метавонед.

Инсоният ба он нуқтае наздик мешавад, вақте ки иқтисодиёт барои инкишофи ояндаи технологияҳои компютерӣ монеа мегардад. Инфрасохтори компютерии ҷаҳонӣ аллакай аз имрӯз қисми зиёди нерӯи барқро сарф мекунад. Агар ба пешбинии экспертҳо бовар кунем, аллакай дар соли 2040-ум инсоният наметавонад, ки талаботи компютерҳоро ба қувваи барқ қонеъ гардонад. Зери ин гуфта дар диаграмма чӣ мешавад, ҳоло тахмин кардан душвор аст. Албатта ҳоло ҳамаи ин пешгӯӣ асту халос. Аммо чихеле, ки  маълум аст, пешгӯиҳо хусусияти амалишавӣ доранд. Вале агар гуфтаи мутахассисон рост барояд, ба инсоният зарур меояд, ки дар компютерҳо ё истеҳсоли қувваи барқ чизеро тағйир диҳанд.

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.