Дар намоишгоҳи CES 2017, ки дар Лас-Вегас (Невадаи ИМА) баргузор гардид, ширкати ҷопонии Toyota шоу-кари Concept-i-ро бо системаи интеллекти сунъӣ намоиш дод. Автомобил дар шарту шароити душвор барои ҳаракат, ҳангоми беаҳмиятии ронанда аз рӯйи гурӯҳи кории мустақим идоракуниро ба зиммаи худ гирифта метавонад.
Барои ин иҷрои амал интерфейс ҷавобгар аст, ки дорои интеллекти сунъии Yui буда, дар тарҷима аз забони ҷопонӣ ба тоҷикӣ маънояш «алоқаи осон» мебошад. Осон барои он, ки матлаби интерфейс ин ба роҳ мондани ҳамкории нисбатан дӯстонаи инсон ва мошин мебошад. Система барои ҷамъоварӣ намудани ахбори зарурӣ дар бораи соҳиби мошин аз датчикҳои гуногун ва асбобҳои биометрӣ истифода мебарад. Yui амалу рафтори ронандаро бо гузашти вақт пешакӣ пай бурда, ҳолати эмотсионалии ӯро дарк мекунад.
Дизайни хотирмони робокар дар маркази калифорниягии Toyota Calty Design Research, дар Нюпорт-Бич офарида шудааст. Дарҳои мошин ба самти боло кушода мешаванд ва қисми зиёди дарҳо оинабандӣ карда шудаанд. Салони соддакардашудаи мошин барои чор нафар пешбинӣ карда шудааст. Дастгоҳҳо ва дигар маълумотҳо дар дисплейи хурд нишон дода мешаванд.
Ҷоизи диққат аст, ки Toyota Concept-i ин танҳо нусхаи намоишӣ нест. Дар ояндаи наздик ширкат нақша дорад, ки дар ҳамкорӣ бо донишгоҳи Амрико автомобилро аз озмоиш гузаронад. Оянда баъзе технологияҳои ин консепт дар истеҳсоли оммавии мошинҳо истифода бурда хоҳад шуд.
Нет комментариев