Тушбера ва интихоби дурусти он

334

Барои зуд тайёр намудани хӯрок бисёр вақт аз маҳсулоти нимтайёри гӯштин истифода мебарем, ки дар таркибашон намак ва иловагиҳо ҳамроҳ карда шудаанд, аммо ҳамин хел шуданаш ҳам мумкин аст, ки ба таркиби он ба миқдори зарурӣ гӯшт ҳамроҳ намекунанд ва ё умуман ҳамроҳ намекунанд.

Дар тамғакоғази қуттии тушбера таркиби зерин асосан чунин нишон дода шудааст: гӯшти гов, намак, мурч, орд, тухм. Бисёрии корхонаҳои истеҳсолӣ маҳсулоти худро аз чунин номгӯи маҳсулотҳо тайёр мекунанд. Бо вуҷуди ин баъзе аз истеҳсолкунандагон барои тайёр намудани тушбера аз гӯшти асп, хук ва ҳатто маркабро ҳамроҳ карданашон мумкин аст. Дар бораи он ки тушбераҳо аз кадом гӯшт карда мешаванд ба таври ногаҳонӣ маълум гардид.

Соли 2010 дар тушбераҳои истеҳсолнамудаи корхонаи «Дарина»-и вилояти Омски Русия ангезандаҳои касалии сӯхтанӣ (сибирская язва)-ро ошкор намуданд ва ин маҳсулот ба рафи мағозаҳо дохил гардида, чандин нафарро гирифтори ин беморӣ намуд. Дар натиҷаи тафтишот маълум гардид, ки дар деҳаи Бекешевои ноҳияи Тюкалински вилояти Омск фермаи асппарварӣ мавҷуд буд, ки ба яке аз депутатҳои маҳаллӣ Айтенов Гапас тааллуқ дошт. Вақте аспҳо гирифтори ин касалӣ шуда, фавтидан мегиранд, ӯ як бригадаи даҳнафараро киро карда, ҳамаи аспҳоро қассобӣ намуда, ба корхонаи дар боло номбаршуда месупорад. Пас аз ду рӯзи кор ин бригадаи даҳнафара бо ташхиси сӯхтанӣ (сибирская язва) дар беморхона бистарӣ мегарданд.

Барои ҳамин ҳам, барои эҳтиёт тушбераро 15 дақиқа ҷӯшонед, ки дар натиҷаи он бисёрии бактерияҳои хавфнок нобуд мегарданд.

Дар бисёрии тамғакоғазҳо дар таркиби тушбера аз гӯшти чӣ тайёр шудани он нишон дода намешавад, аммо аз рӯи қонун бояд, ки ҳамаи маҳсулоти таркиби он нишон дода шаванд ва аз ҷумла, аз кадом гӯшт будани он.

Мутаассифона, имрӯз дар ҷумҳурии мо чунин ташхисгоҳе мавҷуд нест, ки аз гӯшти чӣ тайёр шудани маҳсулотро ошкор созад, аммо дар таркиби маҳсулот миқдори гӯшти ҳамроҳкардашуда ва дигар маҳсулоти ҳамроҳкардашударо муайян кардан мумкин аст.

Албатта, бисёри корхонаҳои калони истеҳсолӣ барои нигоҳ доштан ва баланд бардоштани обрӯву нуфузи (имиҷи) худ ҳамаи он маҳсулоти дар тамғакоғаз нишондодашударо ба маҳсулоти истеҳсолнамудаи худ ҳамроҳ мекунанд. Аммо баъзе аз истеҳсолкунандагон бошанд, бар ҳар ҳол хостаи худашонро мекунанд.

Якчанд роҳи дар мағозаҳо ошкор намудани он, ки дар таркиби тушбераи харидаатон гӯшт ҳаст ё не, мавҷуд аст:

Якум, агар тушбера ба шакли мураккаб печонида шуда бошад, албатта дар таркибаш гӯшт кам аст. Барои ҳамин ҳам бастаи тушбераеро интихоб намоед, ки шакли соддаи печонидашударо дошта бошад.

Дуюм, бо диққат тамғакоғази онро нигоҳ кунед, ки дар он чӣ навишта шудааст. Миқдори бисёри гӯшт дар тушберае мавҷуд аст, ки аз қиммаи гӯшт тайёр шудааст – 60%. Дар қиммаи гӯшту растанӣ – 30% ва дар қиммаи растаниву гӯшт – 5% гӯшт мавҷуд асту халос. Барои ҳамин ҳам аз тушберае харидорӣ намоед, ки аз қиммаи гӯшт истеҳсол карда шудааст.

Инчунин, агар дар тамғакоғаз навиштаҷотҳои «Хонагӣ» («Домашний») ва ё «Дастӣ» («Ручной») мавҷуд бошанд, ба он набояд дода шуд, зеро истеҳсолкунандагон ҳар чӣ хоҳанд навиштан мегиранду миқдори гӯшти таркиби онро ба хости дили худ мегузоранд. Агар бовар накунед, худатон метавонед намудҳои гуногуни тушбераро гирифта, муқоиса намоед.

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.