Ҷудошавӣ аз смартфон қобилияти равонии шахсро суст мекунад

0
419 просмотров

Маҳрум шудан аз имконияти истифодаи телефонҳои мобилӣ одамро ба  изтироб оварда, қобилияти иҷрои вазифаҳои равониро суст мегардонад. Масалан онҳо наметавонанд муаммо (кроссворд)-ро ҳал кунанд. Озмоише, ки аз ҷониби тадқиқотчиёни Донишгоҳи Миссури-Колумбия гузаронида шуд,  нишон дод, ки ҳангоми дар наздикӣ набудани смартфони iPhone, чӣ хел ба  соҳибонаш таъсири руҳӣ ва ҷисмонӣ мерасонад.

Муаллифони тадқиқот ба хулосае омаданд, истифодабарандагони iPhone дар ҳолатҳои ҳаррӯза, ки диққати махсусро талаб мекунад, ба монанди супоридани имтиҳонҳо, иштирок дар конфронсҳо, иштирок накардан дар вохӯриҳо ё иҷрои вазифаҳои муҳим дар кор, смартфони худро бояд дар даст дошта бошанд.  Тавре онҳо мегӯянд, агар ҳамин тавр накунанд, он боиси сустшавии вазифаҳои маърифатӣ мегардад.

Муаллифи ин тадқиқот аз мактаби рӯзноманигории донишгоҳи Миссурия Рассел Клейтон мегӯяд, ки озмоиш нишон додаст, ки соҳибони iPhone, смартфонҳояшонро гӯё ҳамчун мавҷудияти ҳастии худ меҳисобанд. Бидуни смартфон онҳо худро инсони комил намеҳисобанд.

Муайян гардид, ки истифодабарандагони iPhone, ҳангоми ба зангҳои воридотӣ ҷавоб надоданашон, вақте муаммои ҷустуҷӯи калимаҳоро ҳал мекарданд, баландшавии фишори хун, тез задани набз, хирашавии табъ, ҳиссиёти хатар дар онҳо мушоҳида мегардид. Ҳамчунин дар иштирокчиёни озмоиш қобилияти фикронии меҳнатӣ суст гардид.

Ба иштирокчиёни озмоиш гуфтанд, ки онҳо дар як санҷиши дастгоҳи нави бесим, ки  барои назорати фишори хун пешбинӣ шудааст, иштирок карда истодаанд. Ҳангоми дарёфтани муаммои аввал, ихтиёриён бо худ iPhone-ро гирифтаанд. Баъдан аз онҳо хоҳиш карда шуд, ки телефонҳояшонро супоранд.  Гӯё, ки он ба таҷҳизоти тиббии тахайюлӣ халал мерасонида бошад. Телефонҳои чидашуда, дар охири ҳуҷраи дигар гузошта шуданд, ба истифодабарандагон бошад муаммои нав пешниҳод гардид. Ҷавоб гуфта натавонистан ба зангҳои воридотӣ, ҳангоми ҳал кардани муаммои навбатӣ, иштирокчиёни тадқиқотро ба хавотирӣ бурд, задани набзи онҳо тез гардид, фишори хунашон баланд шуда, тадриҷан қобилияти фикронии меҳнатии онҳо суст гардид.

Натиҷаҳои тадқиқот дар маҷаллаи The Journal of Computer-Mediated Communication дарҷ гардид.

Сарчашма : http://hi-news.ru/

Нет комментариев

Также рекомендуем

Кормандони Медиапортали “Тироз” — ғолибони вебинари «Инфографика»

Дар моҳи октябри соли равон Internews барои мутахассисони медиа аввалин силсилаи вебинарро гузаронд. Давоми ин моҳ журналистон, муҳаррирон, ородиҳандагон (дизайнерон) дар вебинари онлайнӣ иштирок, вазифаҳои ...