Қурби доллар дар Тоҷикистон дар 1 шабонарӯз хеле афзуд

0
271 просмотров

Шабонарӯзи охир қурби доллар нисбати сомонӣ 25 банд боло рафт.

Шабонарӯзи гузашта қурби доллари нақд нисбат ба сомонӣ дар Тоҷикистон 2,7 фоиз афзуд. Дирӯз он бо нархи 9,17 сомонӣ фурӯхта шуда буд, имрӯз бошад, бонкҳо барои 1 доллар 9,43 сомонӣ пешниҳод мекунанд.

Қурби расмии доллар, ки аз ҷониби Бонки миллии Тоҷикистон (БМТ) ба санаи 11 июл муқаррар шудааст, 9,17 сомонӣ барои 1 долларро ташкил медиҳад, хабар дода мешавад дар сомонаи БМТ.

Яке аз сабабҳои ин ҳолатро БМТ боқӣ мондани бақияи манфии тавозуни савдои ҷумҳурӣ (фарқияти байни содирот ва воридот) номбар мекунад, ки бақияи манфӣ дар 5 моҳи соли 2018 ба 825,6 млн доллари ИМА баробар шудааст, ки ин нисбати ҳамин давраи соли 2017 — 200,0 млн. доллари ИМА зиёдтар аст.

Тибқи маълумоти БМТ, тӯли 6 моҳи соли равон қурби расмии сомонӣ нисбати доллари ИМА 3,8 фоиз коҳиш ёфтааст, ки ин нисбати ҳамин давраи соли 2017 (коҳишёбӣ 11,8 фоиз) 8,0 фоиз камтар мебошад.

Қайд мешавад, ки андозаи коҳишёбии қурби расмӣ ба дурнамои қурби миёнасолонаи он дар соли 2018 мувофиқ буда, асосан дар моҳҳои апрел (0,9 фоиз), май (1,3 фоиз) ва июн (1,6 фоиз) ба вуҷуд омадааст.

Гуфта мешавад, қурби фурӯши доллари ИМА-и нақд бо сомонӣ дар бозори ғайрирасмӣ бошад, 4,5 фоиз баланд шудааст, ки ин нисбати ҳамин давраи соли 2017 (баландшавӣ 11,7 фоиз) 7,2 фоиз пасттар аст.

Дар Бонки миллӣ қайд мекунанд, ки бо дарназардошти гузариш ба низоми “ҳадафгирии таваррум”, сиёсати қурбии ба реҷаи “шинокунандаи танзимшаванда” асосёфтаро, амалӣ карда истодаанд.

Дар ҷаласаи аввали ҳамин моҳ дар Бонки миллӣ зикр гардида буд, ки барои пешгирӣ намудани фаъолияти бозорҳои ғайрирасмии асъор аз ҷониби Прокуратураи генералии Тоҷикистон дар ҳамкорӣ бо БМТ гурӯҳҳои доимамалкунанда ташкил шудаанд, ки фаъолияти онҳо баҳри пешгирӣ намудани анҷомдиҳии амалиётҳои ғайриқонунии асъорӣ равона шудааст.

Амалиёт бо асъор дар Тоҷикистон аз соли 2016 танҳо дар бонкҳо анҷом дода мешаванд. Тӯли 3 моҳи охир дар бозори асъори кишвар камбуди шадиди доллар ба мушоҳида мерасад, ки тариқи он тоҷирони молу маҳсулот амалиёти савдои хориҷӣ анҷом медиҳанд.

Норасоии асъори амрикоӣ аз даҳаи дуюми моҳи апрел баъди аз ҷониби ИМА ҷорӣ кардани таҳримҳои нав нисбати ширкатҳои Русия ва поинравии қурби рубл нисбат ба доллар баъди ин оғоз гардид.

Айни замон аксари бонкҳои Тоҷикистон дар мавриди фурӯши доллар бо баҳонаи мавҷуд набудани он амалиёт анҷом намедиҳанд. Дар баъзе бонкҳо метавон хеле маҳдуд — ҳамагӣ аз 50 то 300 доллар ба як кас маблағ харидорӣ намуд.

 

 

Нет комментариев

Также рекомендуем

Команда «Истиклол» в шаге от «золота», а «Куктош»…

После перерыва, длившегося полтора месяца, в субботу тремя матчами девятнадцатого тура возобновился чемпионат Таджикистана среди команд высшей лиги. Как сообщает официальный сайт ФФТ, столичный «Истиклол», ...