Усулҳои нави санҷиши ВИЧ

0
785 просмотров

Коршиносони Дафтари аврупоии Созмони умумиҷаҳонии тандурустӣ (ТУТ) аз кишварҳои аврупоӣ даъват намуданд, ки озмоиши босуръати ВНМО-ро қабул кунанд. Он имкон медиҳад дар ҳолати зарурӣ фавран ба муолиҷаи антивирусӣ оғоз кунанд ва сирояти минбаъдаи он пешгирӣ шавад. Дар ин бора АМИТ «Ховар» бо истинод ба хадамоти матбуоти СММ хабар дод.

Тавсияҳои имрӯз нашрнамудаи ТУТ ба таҳлили маълумоти навтарин асос ёфтаанд. Коршиносон ба хулосае омаданд, ки истифодаи озмоишҳои фаврӣ дар якҷоягӣ бо таҳлили иммуносорбенти фермент, дар маҷмӯъ як усули тезтар, дақиқ ва камхарҷ барои ташхиси сирояти ВИЧ мебошад. Ташхиси барвақтӣ, ки аз ҷониби ТУТ хотиррасон шудааст, имкон медиҳад табобати антиретровирусӣ сари вақт оғоз ёфта, гузариши сироятии ВНМО ба марҳилаи СПИД пешгирӣ шавад.

Ташхиси дер гузошташудаи сирояти ВНМО барои аксари кишварҳои минтақаи Аврупои ТУТ ҳамчун масъалаи ҳалталаби мубрам боқӣ мемонад. Тибқи маълумоти охирин, танҳо 82 фоизи одамони гирифтори ВИЧ дар он ҷо мақоми худро медонанд. Дар Аврупои Шарқӣ — ин рақам танҳо 74 дарсади сирояти ВИЧ-ро ташкил медиҳад.

Имрӯз ҳар дуюмин шахси мубталои ВИЧ дар минтақа аз ташхиси худ дар марҳилаи охирин бохабар мегардад. Бо истифодаи усулҳои хаттии иммуноблоттинг ва хатҳои иммуно-таҳлилӣ барои тасдиқи ташхис шояд якчанд ҳафта зарур шавад. Аммо, аксари беморон барои донистани натиҷаи ташхис  ба беморхона муроҷиат наменамоянд. Чунин ҳам мешавад, ки  пайдо кардани баъзеҳо  ва ба назди  духтур даъват намуданашон  мушкилӣ эҷод менамояд. Дар натиҷа, афзоиши СПИД ва фавт зиёд мегардад, ки он дар сурати табобати саривақтӣ метавонист пешгирӣ шавад.

Технологияҳои нав  тасдиқи натиҷаҳоро фаврӣ таъмин мекунанд. Санҷишро берун аз муассисаи тиббӣ ҳам гузаронидан мумкин аст. Ҳамагӣ пас аз чанд дақиқа беморро аз натиҷаи он огоҳ месозанд. Аммо, то ба имрӯз на ҳама кишварҳо усулҳои охирини санҷиши ВИЧ-ро қабул кардаанд. Аксар вақт таъхир дар татбиқи онҳо бо омилҳое, ба монанди монеаҳои қонунгузорӣ ё хоҳиши тағйир надодани нақшаҳои хариди давлатӣ ва мушаххасоти таҷҳизоти лабораторӣ вобаста аст.

Коршиносони ТУТ аз кишварҳои минтақа даъват мекунанд, ки ба ташаббуси Ҳафтаи Аврупо оид ба санҷиш, ки дар як сол ду маротиба- моҳҳои май ва ноябр барпо мегардад, ҳамроҳ шаванд. Ҳадафи асосии ин маърака пешбурди пешгирии сирояти ВИЧ ва гепатит, баланд бардоштани сатҳи маърифатнокии аҳолӣ дар бораи ин бемориҳо, тавсеаи дастрасӣ ба хизматрасониҳои озмоишӣ ва дар ҳолати зарурӣ ба ёрии тиббӣ мебошад. Имсол ин маърака аз 22 то 29 ноябр гузаронида мешавад.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: