Варақаи алюминӣ (алюминиевая фольга)

0
554 просмотров

Маслиҳатҳои моро оид ба интихоб ва истифодабарии  варақаи алюминӣ (алюминиевая фольга) хоҳед шунид.

Биёед, дӯстон, аввал як ба саҳифаҳои таърих нигарем. Дар замонҳои қадимулайём  ҳам одамон  маҳсулоти хӯрока ба монанди гӯшт, нон ва баъзе намуди сабзавотро мепухтанд. Онҳоро дар хокистар тайёр мекарданд. Чунин тарзи тайёркунии хӯрока дар Шарқ хеле маълуму машҳур буд. Дар замонҳои мо низ дар танӯрҳо нон, самбӯса, гӯшт, дар қӯрҳо сихкабобҳои болаззати гӯштию сабзавотиро мепазанд.

Бо тараққиёти технологияи муосири истеҳсолӣ, аз ҷумла коркарди алюминий дар шароити иқтисодӣ, варақаи алюминӣ, яъне алюминиевая фольга, ба вуҷуд омад.

Бартарии варақаи алюминии дар он аст, ки маводи хӯрока аз оташи кушод ва гармӣ эмин буда, маззаи аслиаш гум намешавад. Варақаи алюминиро ширкатҳои «Саянская, Палкан, Йок, Теремок, Фрекен Бок» истеҳсол мекунанд, ки дар бозору мағозаҳои шаҳрамон дастрас кардан мумкин аст.

Мехоҳед, аз харидорӣ намудани варақаҳои алюминӣ пушаймон нагардед? Пас ба маслиҳатҳои мо диққат диҳед. Дар вақти харидорӣ намудан ба нишонаи варақа аҳамият диҳед. Бояд дар он ҳатман навиштаҷоти ГОСТ 745-79 дарҷ гардида бошад. Ин хел варақаҳои алюминӣ ба талаботи стандартӣ мувофиқат карда, ба саломатӣ бехатар мебошанд. Акнун оид ба истифодабарии он сухан меронем.

Дар хотир доред, ки:

— варақаи ғафсиаш 9 микрон барои нигоҳдошти озуқа ва тайёр печонидани сэндвичҳо;

— варақаи ғафсиаш 11 микрон барои нигоҳдошти озуқа ва тайёр намудани хӯрокаҳо;

— варақаи ғафсиаш 14 микрон барои дар тобаҳо пухтан истифода бурда мешаванд.

Медонед, кадом озуқаро тавассути варақаи алюминӣ пухтан мумкин аст?

Тавассути варақаи алюминӣ  гӯшт, моҳӣ, мурғ, картошка, сабзӣ, себро пухтан мумкин аст.   Ба ғайр аз ғизоҳое, ки дар таркибашон кислота мавҷуд аст, масалан, лимӯ, помидор, карам.

Дар рӯзгоратон аз варақаҳои алюминӣ истифода баред, то ки хӯрокатон болаззат шуда, моддаҳои фоидаовари таркибаш гум нагардад.

Ин буд чанд маслиҳатҳои мо оид ба интихоб ва истифодабарии варақаи алюминӣ. Умедворем маслиҳатҳои мо дар зиндагиатон кӯмаки худро мерасонанд.

 

Нет комментариев

Также рекомендуем