Ватани ҷуворимакка Амрикои Марказӣ мебошад

0
439 просмотров

Ҷуворимакка растании яксола, аз оилаи хӯшадорҳо мебошад. Ватани ҷуворимакка Амрикои Марказӣ буда, онро сайёҳон ба Аврупо оварданд ва баъдтар ба дигар мамлакатҳои қитъаи Осиё паҳн гардидааст. Ҷуворимакка растани рӯшноипарвард ва гармидӯст мебошад. Поя, барг ва хӯшагули хуб инкишофёфта дорад. Хӯшагули ҷорубшаклаш дар нӯги поя ҷойгир аст. Дар он ҷо танҳо гулҳои нарина инкишоф меёбанд (яъне, гарддонҳо ташаккул меёбанд).

1-1221129588D7gW

Дар бағали баргҳо хӯшагули сӯта бо гулҳои модина месабзад. Баъди гардолудшавӣ дар сӯта донҳои аз ҷиҳати андоза гуногун ташаккул меёбанд.
Решаи ҷуворимакка ба хок чуқур рафта, дар давраи рушду нумӯяш аз қисми поёнии поя решаҳои иловагии пайдошуда ниҳоли ҷуворимаккаро дар хок мустаҳкам нигоҳ медоранд. Ҷуворимакка зироати пурқиммати ғизоӣ барои инсон ва
чорво мебошад. Аз дон, поя ва сӯтаи он зиёда аз 150 маҳсулоти гуногун тайёр мекунанд. Дар соҳаи чорвопарварӣ ҷуворимакка ҳамчун манбаи
хӯрока мақоми баланд дорад.

2016031513001292

Дар таркиби дони ҷуворимакка миқдори равған зиёд аст. Аз баргу пояи сабз ва сӯтаи нимдунбули он силос тайёр мекунанд. Силосро ба ғайр аз баргу пояи сабзаш, инчунин, аз баргу пояи хушкаш, пас аз ғунучини донаш низ тайёр кардан мумкин аст. Ҷуворимакка аҳамияти махсуси техникӣ дорад. Аз дони он оҳар (крахмал), шира, орд, равған, спирт, кислотаи (ҷавҳари) сирко, каучуки сунъӣ ва ғайраҳо истеҳсол мекунанд.

Нет комментариев

Также рекомендуем