Вазъи бемории сил дар ҷумҳурӣ ташвишовар аст

0
322 просмотров

Тибқи маълумоти Созмони ҷаҳонии беҳдошт аз се як ҳиссаи аҳолии ҷаҳон гирифтори бемории сил мебошад.

Созмони ҷаҳонии беҳдошт

Ҳарчанд ба рӯйхати сиёҳи давлатҳое, ки ба бемории сил гирифторанд шомил нагардидани кишварҳои Осиёи Марказӣ, аз ҷумла Тоҷикистон, боиси хушҳолист, вале вазъи бемории сил дар ҷумҳурӣ чун дар тамоми ҷумҳуриҳои Осиёи Марказӣ ташвишовар боқӣ мемонад.

Бемории сил-2

Як мубталои бемории сили шуши хориҷкунандаи микробактерияи сил дар як сол метавонад, 10-15 нафар шахси солимро сироят кунад. Аз рӯйи таҳлилҳо аз се як нафари мо сироятёфтаи ин беморӣ мебошем. Танҳо 10 фоизи ба сил сироятёфтагон дар давоми ҳаёти худ ба бемории сил гирифтор мешаванд. Бемории сил се намуд мешавад: силе, ки бемор бори аввал гирифтори он шуд, намуди мутобиқгаштаи сил ва намуди васеи мутобиқгаштаи сил, он намуде, ки солҳои тӯлонӣ бемор табобати нодуруст гирифтааст, тавсияҳои пизишконро иҷро накардааст. Ин гуна шахсон дар зери назорати табибон солҳои тӯлонӣ табобат мегиранд. Шахсони гирифторони ин беморӣ умрбод манбаи беморӣ боқӣ мемонанд.

муҳоҷирони меҳнатӣ

Хушбахтона, гирифторони ин беморӣ дар ҷумҳурии мо хеле каманд. Гурӯҳҳое ба сил гирифтор мешаванд, ки истеъмолкунандагони машрубот ва маводи мухаддир, муҳоҷирони меҳнатӣ, маҳбусон, кормандони тиб, шахсоне, ки бо ВНМО зиндагӣ мекунанд.

Нест бод бемории сил!

Сил бемории табабатшаванда буда, ташхис ва табобати он бо доруҳои зиддисилӣ дар кишвари мо ройгон ба роҳ монда шудааст. Табибон бар он назаранд, ки сил бемории табобатшаванда бошад ҳам, аммо худи шахсони гирифтори ин беморӣ аз табобат даст мекашанд. Яке аз омилҳои асосии табобат нагирифтани беморони сил надоштани маълумот дар бораи ройгон сурат гирифтани табобат ва бепул тақсим шудани дорувориҳо мебошад.

Доруворихо барои табобати сил

Бинобар ин табибонро зарур аст, ки ба ҳар шахси ба ин беморӣ гирифторшуда ройгон будани табобати ин бемориро фаҳмонанд. Шахси бемор аз гуфтаҳои табибон маълумоти дақиқу амиқ оид ба бемории сил пайдо карда, саривақт аз паи табобати беморияш гардад ва боварӣ ҳосил намояд, ки бемории сил табобатшаванда аст. Табобати саривақтии бемории сил беҳтарин воситаи пешгирии ин беморист.

Нет комментариев

Также рекомендуем

Боздиди волидон аз қисми низомӣ

Бо дастгирии мақомоти иҷроияи ҳокимияти давлатии шаҳри Конибодом ва ташаббуси кумитаи иҷроияи шаҳрии ҲХДТ 15 нафар волидайни ҷавонписароне, ки айни ҳол дар сафи Қувваҳои Мусаллаҳи ...