Вазорати маориф ва илми Ҷумҳурии Тоҷикистон бо масъулияти том иттилоъ медиҳад, ки дар хусуси ҷамъоварии маблағ барои харидорӣ кардани сару либоси мактабӣ аз тарафи омӯзгорон ё ин ки директорони мактабҳо, дар мактабҳо ба роҳ мондани хариду фурӯши либосҳои мактабӣ ҳеҷ гуна дастури хаттӣ ё шифоҳӣ надодааст. Дар ин бора имрӯз ба АМИТ «Ховар» аз маркази матбуотии Вазорати маориф ва илми Ҷумҳурии Тоҷикистон хабар доданд.
Гуфта мешавад, ки ин амал бояд аз тарафи волидони хонандагон ва соҳибкорони ватанӣ дар корхонаҳои истеҳсолӣ ё худ ярмарка-фурӯшгоҳҳои ашёҳои хониш ва мактабии дар шаҳру ноҳияҳо буда сурат гирад.
«Бинобар ин, гузориши Радиои «Озодӣ», ки бо номи «Хона ба хона – ҷамъоварии пули либоси хонандагон» пахш шудааст, муболиғаи иғвоангез ва ҳангомае беш нест», — омадааст дар изҳороти Вазорати маориф ва илми Ҷумҳурии Тоҷикистон.
Манбаъ: АМИТ «Ховар»
Нет комментариев