Viber чатҳои шахсони маъруфро намоиш медиҳад.

3
426 просмотров

Дар мессенҷери Viber функсияи нави- “Паблик-чатҳо”  пайдо шудааст, ки дар он Шумо метавонед бо мубоҳисаҳои мусиқанавозон, ситораҳои варзиш, намояндагони брендҳои бузург,  ходимони ҷамъиятӣ ва дигар шахсони маъруф хабардор шавед.

Моҳиятан, он мусоҳибаи кушода ба ҳисоб рафта, онро тамоми истифодабарандагони Viber метавонанд мутолиа намоянд. Манбаи муҳокимаҳоро метавон ба дӯстон ирсол намуд, аммо дар он иштирок кардан бе иҷозати модератор имконнопазир аст.

“Ин навгонӣ дар шабакаи иҷтимоӣ-имконият медиҳад, ки Шумо шоҳиди  сӯҳбатҳо ва мубоҳисаҳои шахсони маъруф гардед. Ҳамаи  истифодабарандагони Viber метавонанд,  ҳар яке аз чатҳоро аз смартфону планшеташон назорат кунанд”-гуфта шудааст, дар варақаи иттилоотӣ.  Дар “Паблик Чатҳо” аксҳо, мусиқӣ, видео, стикерҳо ва манбаъҳо ҷойгир карда шудаанд, ки бе маҳдудият метавон онҳоро тамошо кард.

Ҳамин тавр, функисияи  нав, бо бисёр ҷиҳатҳо  аз имкониятҳои “фоловит”-и истифодабарандагони Twitter тафовут дорад. Дар ширкат иттилоъ доданд, ки аз  “Паблик-чатҳо” аллакай блогер-селибрити Перис Хилтон, репери амрикои Pitbull ва ситораи YouTube Тайлер Окли истифода мебаранд.

Viber-яке аз хизматгузориҳои маъмул дониста шудааст, ки хизматҳои ройгони IP-телефонӣ ва мубодилаи маълумотҳоро пешниҳод менамояд.  Онро беш аз 200 миллион нафар одамон,  аз 193 кишвари ҷаҳон истифода мебаранд. Бори нахуст мессенҷер дар iPhone, моҳи декабри соли 2010 пайдо шуда буд. Баъдан  ҳамаи платформаҳои мобилии паҳнгардида, барои мизоҷон  бароварда шуданд, аз қабили Android, BlackBerry, Symbian, Windows Phone ва ғайраҳо.

Шурӯъ аз моҳи феврали соли 2014 Viber ба ширкати Rakuten тааллуқ хоҳад дошт. Зеро ширкати бузурги ҷопонӣ  онро ба 900 миллион доллар харидорӣ кардааст.

Сарчашма: matrix-tv.tj

3 comments

Опубликовать новый комментарий

Также рекомендуем