Витамини Е ва манфиати он ба организми инсон

0
727 просмотров

Витамини Е мисли витаминҳои А, D ва К ба гурӯҳи витаминҳои обкунандаи чарбӯи бадан шомил мешавад. Ин маънои онро дорад, ки витаминҳои мазкур дар организм бештар дар бофтаҳои чарбӣ ва ғадуди болои меъда ҳифз мешаванд.

Витамини Е ҳамроҳ бо витамини А ва С антиоксидантҳои хуб ба ҳисоб мераванд, ки организмро аз ҷараёнҳои зиёновари бофтаҳо бар асари оксидшавӣ (окисления) ва ҳамчунин аз таъсири радикалҳои озод ба бофтаҳо ҳифз мекунад. Витамини Е ҳамроҳ бо доруҳои зидди инъиқод (антикоагулянтҳо) аз пайдошавии тромбҳо пешгирӣ мекунанд. Ҳамчунин витамини Е дар ҳифзи эритротситҳо, интиқоли генҳо ва интиқоли набзи асаб бар тамоми бадан нақш дорад. Кори муътадили системаи биноии инсон ҳам аз мавҷудияти миқдори кофии витамини Е дар организм вобаста аст.

Норасоии витамини Е дар организм – зуҳуротест, ки хеле кам ба назар мерасад, аммо ин норасоӣ дар ҷисми афроде, ки аз бемориҳои инҳитоти фиброз-кистозӣ ва ё бемории силиак ранҷ мебинанд, зиёд дида мешавад. Нишонаҳои возеҳи норасогии витамини Е дар организм инҳо ҳастанд: хасташавии аз ҳад зиёд, норасоии неру, вайроншавии системаи асаб, дисторфияи мушакҳо ва коҳиши масуният ба уфунатҳо.

Дар табиат витамини Е-ро танҳо растаниҳо тавлид мекунанд. Беҳтарин сарчашмаи витамини Е ин равған, ба вижа, равғани гандуми худрӯ аст. Манбаҳои дигари витамини Е чормағз, донагиҳо ва сабзавоти сабзбарг, исфаноҷ, карам ва салат ҳастанд.

Ба номугӯи ғизоҳои худ бештар маҳсулотеро шомил кунед, ки дар таркибашон витамини Е доранд.

Нет комментариев

Также рекомендуем

Усули нави қабули муроҷиат дар Конибодом

Мақомоти иҷроияи ҳокимияти давлатии шаҳри Конибодом бо мақсади баррасии саривақтии муроҷиатҳои сокинон тартиби нави қабули арзу шикоят ва дархостҳоро ҷорӣ намуд.  Тибқи тартиботи нав минбаъд ...
%d такие блоггеры, как:

Сообщить об опечатке

Текст, который будет отправлен нашим редакторам: