Вазорати корҳои дохилии Тоҷикистон феҳрести ҳунармандонеро нашр кардааст, ки қоидаҳои ҳаракат дар роҳро вайрон карда, дар камераҳои “Шаҳри бехатар” сабт шудаанд.
Дар раддаи аввали сарояндаҳое, ки аз ҳама бештар ҷарима супурдаанд, сароянда Фарзонаи Хуршед қарор дорад. Тибқи маълумоте, ки дар сомонаи расмии ВКД нашр шудааст, Фарзонаи Хуршед бо худрави тамғаи “Рэнҷ–Ровер” (рақами давлатӣ 0007 ВР 01) аз 15-уми ноябри 2013 то 23-юми июни 2015 23 бор қоидаҳои ҳаракат дар роҳро вайрон кардааст, дар “Шаҳри бехатар” сабт шудаанд.
Ба Фарзонаи Хуршед 18 далели қоидавайронкуниҳои ҳаракат дар роҳро пешниҳод кардаанд, ӯ ба маблағи 4 ҳазору 990 сомонӣ ҷарима пардохт кардааст. 5 далели қоидавайронкуниҳои ҳаракат дар роҳ носупорида мондааст.
Дар мақоми дуюм ҳунарманди мардумӣ Афзалшоҳ Шодиев бо худрави тамғаи “Тойота-Лэнд Крузер” (рақами давлатӣ 6262 АС 01) қарор дорад. Ӯ аз 3-юми нобяри 2013 то 7-уми августи 2015 27 бор қоидаи ҳаракатро вайрон карда, барои 12 қоидавайронкунӣ 2 ҳазору 560 сомонӣ ҷарима супурдааст. Ҷаримаи 15 қоидавайронкуниаш нопардохта мондааст. Афзалшоҳ Шодиев дар миёни сарояндаҳо аз ҳама бештар қоидаҳои ҳаракат дар роҳро вайрон кардааст.
“Шаҳри бехатар” аз ҷониби Сароянда Меҳрнигори Рустам бо худрави тамғаи “Тайота-Королла” (рақами давлатӣ 6600 АТ 01) аз 2-юми ноябри 2013 то 1-уми августи соли 2015 19 далели вайронкунии Қоидаҳои ҳаракат дар роҳро сабт кардааст. То ҳол барои чаҳор ҳолат бо маблағи 840 сомонӣ ҷарима падохта, барои 15 далели дигар қарздор мебошад.
Аммо Зулайхо Маҳмадшоева, сарояндаи дигари эстрадаи тоҷик аз ибтидои соли равон то 9-уми августи 2015 бо худрави тамғаи “Лексус-IS 250” (рақами давлатӣ 3370 CB 01) ҳамагӣ 4 бор қоидаҳои ҳаракати роҳро вайрон карда, барои як ҳолат 120 сомонӣ ҷарима супурдааст. Барои се ҳолат қарздор мондааст.
Дар рӯйхати қарздорҳои ВКД аз Сарвиноз Юсуфӣ, сарояндаи дигар ном бурда мешавад. Ӯ бо худрави тамғаи “Мазда-СХ7” (рақами давлатӣ 8686 ВА 01) аз 1-уми декабр 2013 то 22-юми июли 2015 8 бор қоидаҳои ҳаракат дар роҳро вайрон кардааст. Аммо маблағи ҷаримаро то ҳол пардохт накардааст.
Исми сарояндаи шинохта Шабнами Сурайё низ дар феҳрести қарздорҳо қарор дошта, 8 далели қоидавайронкунии ӯ бо худрави тамғаи “Порше-Кайэн” (рақами давлатӣ 0008 ВВ 01) дар “Шаҳри бехатар” сабт шудааст. “Амонатбонк” барои пардохти қарз ӯро интизор аст.
Сарояндаи дигар Гулрӯ Табарова бо 3 далели қоидавайронкунӣ, ки бо худрави тамғаи “Лексус-GX470” (рақами давлатӣ 7111 AD 01) аз аз 25-уми январ то 7-уми июни 2015 содир кардааст, қарздор мондааст.
Шаҳроми Абубакр 15 бор қоидаҳои ҳаракатро бо худрави тамғаи “Тойота-Королла” (рақами давлатӣ 0010 СО 01) аз 23-юми октябри 2014 то 2-юми июли 2015 вайрон кардааст. Барои 4 ҳолат 700 сомонӣ ҷарима пардохт карда, барои 11 ҳолат қарздор будааст.
Дар ин бора www.tojnews.tj хабар медиҳад.
Нет комментариев