ВКХ Россия: интихобот дар Тоҷикистон тибқи меъёрҳои байналмилалӣ баргузор шуд

0
59 просмотров

Интихоботи президентӣ дар Тоҷикистон тибқи меъёрҳои байналмилалӣ баргузор шуд. Дар ин бора дар изҳороти Вазорати корҳои хориҷии Федератсияи Россия, ки рӯзи чоршанбе нашр шуд, гуфта мешавад, хабар медиҳад АМИТ «Ховар» бо истинод ба ТАСС.

Вазорат зикр мекунад, ки раванди овоздиҳиро миссияҳои мушоҳидон аз ИДМ ва Созмони Ҳамкории Шанхай пайгирӣ намуданд. «Интихобот шаффоф, озод ва қонунӣ эътироф карда шуд. Интихобот, ки дар он 85,39% интихобкунандагон бо майлу ирода ширкат варзиданд, мутобиқи меъёрҳои байналмилалӣ ва қонунгузории миллӣ, дар фазои рақобат сурат гирифт», — зикр намудаанд дар ВКХ ФР.

Комиссияи марказии интихобот ва раъйпурсии Тоҷикистон рӯзи чоршанбе натиҷаҳои ниҳоии интихоботи президентии 11 октябрро тасдиқ кард, ки тибқи он Президенти амалкунанда Эмомалӣ Раҳмон бо гирифтани 90,92% овозҳо ғолиб омад. КМИР инчунин натиҷаҳои номзадҳои дигарро тасдиқ кард, ки тибқи онҳо Мироҷ Абдуллоев, ки аз ҷониби Ҳизби коммунист пешбарӣ шудааст, 1,17%, Абдуҳалим Ғаффорзода аз Ҳизби сотсиалистӣ — 1,49%, Рустам Раҳматзода аз Ҳизби Ислоҳоти Иқтисодӣ — 2,14% ва Рустам Латифзода аз Ҳизби Аграрӣ — 3,02% овоз гирифтаанд.

Манбаъ: АМИТ «Ховар»

Нет комментариев

Также рекомендуем

Рыба-мутант или аллигатор ?

Думаете это мутант или просто необычный ракурс фотографии аллигатора? Это чудовище живет на Земле более 100 миллионов лет, можно сказать, потомственный родственник динозавров. И да, ...
%d такие блоггеры, как:

Сообщить об опечатке

Текст, который будет отправлен нашим редакторам: