Шабакаҳои иҷтимоии «Одноклассники» ва «ВКонтакте» истифодабарандагони худро оиди ҳолати фавқуллода огоҳ хоҳанд кард. Шартнома дар бораи таъсис додани ин гуна системаи огоҳкунандаро каме пештар Вазорати ҳолатҳои фавқуллода ва Mail.Ru Group навишата буданд.
Истифодабарандагони шабакаҳои иҷтимоии Mail.Ru Group, ки дар минтақаи ҳолати фавқуллода ё дар минтақае, ки эҳтимоли сар задани ҳолати фавқуллода мавҷуд аст, дар ин бора мустақиман аз шабакаи иҷтимоӣ огоҳинома ё паёмак мегиранд. Бо баробарии ин, маълумотҳои асосӣ дар реҷаи вақти воқеӣ нав шуда меистанд. Ба ғайр аз маълумот оиди ҳолат дар минтақаи худ, истифодабарандагон дар бораи таъминоти бехатарии аҳолӣ, роҳу усулҳои ҳимоя, рақамҳои иртиботии муҳим, рақамҳо ва реҷаи кории сафоратхонаҳои Русия ва консулгариҳо, ёри таъҷилӣ, пулис ва ғайраҳо маълумот гирифта метавонанд.
Системаи огоҳкунӣ аллакай дар рафти амали терористии Париж ва Нитсе аз санҷиш гузаронида шуда буд. Он вақт истифодабарандагони шабакаҳои иҷтимоии «ВКонтакте» ва «Одноклассники» дар ин шаҳрҳо оиди таъминоти бехатарӣ маълумот гирифта буданд. Ҳангоми табаддулоти давлатӣ дар Туркия истифодабарандагони шабакаи иҷтимоии «ВКонтакте» паёмак гирифтанд, ки дар он рақами телефони сафоратхона ва консулгарии генералии Русия навишта шуда буд. Истифодабарандагони шабакаи иҷтимоии «Одноклассники»- ро дар бораи ин ҳолат гурӯҳи OK Operatively хабардор кардааст. Инчунин истифодабарандагон оиди обхезӣ дар вилояти Вологодск, ҳодисаҳои Брюссел ва заминҷунбӣ дар Италия хабардор карда шуда буданд.
Мувофиқи суханони роҳбари Вазорати ҳолатҳои фавқуллода Владимир Пучков, системаи огоҳкунӣ дар шабакаҳои иҷтимоӣ имкон медодааст, ки дар бораи ҳолати фавқуллода доираи зиёди одамонро фавран бохабар намоӣ. Инчунин ҳангоми ҳолати фавқуллода чӣ хел бояд амал намуд ва чӣ тарв ҳарчи бещтар ҳаёти одамонро наҷот дод, маълумот дода мешавад.
Реализация государственных инвестпроектов на $3,1 млрд
В Таджикистане, в настоящее время на стадии реализации находятся 68 государственных инвестиционных проектов на сумму свыше 29,2 млрд сомони ($3,1 млрд). По данным Госкомитета по ...
Нет комментариев