Владимир Жириновский ба Тоҷикистон омад

0
427 просмотров

Раиси Ҳизби либералию демократии Федератсияи Россия Владимир Жириновский рӯзи гузашта бо як гурӯҳ вакилони Думаи давлатии Федератсияи Россия ба Тоҷикистон омад.

Дар Фурудгоҳи байналмилалии Душанбе В. Жириновский ва ҳамроҳонашро муовини аввали раиси Маҷлиси намояндагон Абуҷаббор Азизӣ, раиси Кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот Олим Салимзода ва раиси Кумитаи дӯстии байнипарлумонӣ миёни Маҷлиси намояндагон ва Думаи давлатӣ Садриддин Шарифов истиқбол намуданд.

Интизор меравад, ки ин ходими сиёсии Россия дар ҳошияи сафараш ба Тоҷикистон бо Раиси Маҷлиси намояндагони Маҷлиси Олии Ҷумҳурии  Тоҷикистон Шукурҷон Зуҳуров, Вазири  корҳои хориҷии Ҷумҳурии Тоҷикистон Сироҷиддин Муҳриддин ва ҳайати устодону донишҷӯёни Донишгоҳи славянии Тоҷикистону Россия мулоқот анҷом диҳад.

В. Жириновский ва ҳамроҳонаш аз мавзеъҳои таърихию фарҳангии Тоҷикистон — Қалъаи Ҳисор, Осорхонаи миллии Тоҷикистон, «Кохи Наврӯз», бозори «Меҳргон»-и Душанбе ва ангурзори водии Ҳисор дидан менамоянд.

Манбаъ: АМИТ «Ховар»

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: