Аз чоруми апрел то дувоздаҳуми майи соли 2018 раисони шаҳру ноҳияҳои вилояти Суғд бо ҷавонони фаъоле, ки дар муассисаҳои таҳсилоти олӣ ва миёнаи касбии шаҳри Душанбе таҳсил мекунанд, вохӯриҳо баргузор менамоянд. Тибқи ҷадвале, ки аз ҷониби роҳбарияти вилоят тасдиқ гардидааст, раисони шаҳру ноҳияҳои вилоят бо донишҷӯён ва хатмкунандагони муассисаҳои таҳсилотии олӣ ва миёнаи касбии шаҳри Душанбе вохӯрӣ намуда, ба донишҷӯёни аълохон ва камбизоат кумакҳои моддӣ мерасонанд. Дар назар аст, ки баъди вохӯриҳо барои донишҷӯён бо ҷалби ҳофизони маҳаллӣ ва шоирону нависандагон барномаҳои фарҳангӣ пешниҳод карда шавад. Ҷоиз ба таъкид аст, ки бо иқдоми роҳбарияти вилоят чанд сол инҷониб чунин мулоқотҳо ташкил карда мешавад. Моҳи декабри соли 2017 раисони шаҳру ноҳияҳои вилоят бо ҷавононе, ки дар муассисаҳои таҳсилоти олӣ ва миёнаи касбии маркази вилоят таҳсил мекунанд, вохӯриҳо доир намуда буданд.
Манбаъ: сомонаи расмии МИҲД-и вилояти Суғд
Нет комментариев