Волидон аз шароити хизмати фарзандон қаноатманданд

0
279 просмотров

Бахшида ба Рӯзи таъсисёбии Қӯшунҳои сарҳадии Ҷумҳурии Тоҷикистон дар қисми сарҳадии Ҷамоати деҳоти Навбаҳори ноҳияи Мастчоҳ чорабинии идона гардид.

Тавре аз шуъбаи рушди иҷтимоӣ ва робита бо ҷомеаи дастгоҳи раиси ноҳия иттилоъ доданд,  дар чорабинӣ намояндагони мақомоти иҷроияи ҳокимияти давлатии ноҳия иштирок намуда, сарбозону афсаронро ба муносибати Рӯзи таъсисёбии Қӯшунҳои сарҳадӣ табрик намуданд. Қайд карда шуд, ки аз ҷониби Ҳукумати Ҷумҳурии Тоҷикистон барои адои хизмати ҳарбӣ дар қисмҳои низомӣ шароитҳои зарурӣ фароҳам оварда шудааст ва ҷавонон барои иҷрои қарзи фарзандии худ сарбаландона хизмат менамоянд. Дар ин рӯз ҳамчунин 80 нафар наваскарон савганди ҳарбӣ ёд намуда, омодагии хешро ҷиҳати адои хизмати Ватан баён доштанд.

Дар чорабинӣ волидайни наваскарон аз шаҳру ноҳияҳои Бохтар, Варзоб,Рӯдакӣ, Темурмалик, Турсунзода, Ҳисор, Деваштич ва Истаравшан иштирок намуда, бо шароитҳои мавҷудаи қисми ҳарбӣ шинос шуданд. Волидони наваскарон бо изҳори қаноатмандӣ аз шароитҳои фароҳамшуда ба фарзандони худ ҷиҳати анҷоми хизмат комёбиҳо таманно карданд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем