«Volvo Concierge» имкон медиҳад, ки он бидуни иштироки соҳибаш аз сӯзишворӣ пур гардад ва шуста шавад

0
457 просмотров

Volvo дар бораи хизматрасонии нави «Volvo Concierge» барои дорандагони автомобили Volvo хабар дод, ки ин лоиҳаи худидорашавандаро ҳамин моҳ дар Сан-Франтсиско намоиш доданист.
Ҳама матлаб аз офаридани чунин функтсияи нав дар он аст, ки доштани автомобили Волво нисбатан дилписанд гардад. Акунун дигар ҳоҷат нест, ки барои хизматрасонии техникӣ ба автосервис ҳозир шавед ва барои интизорӣ вақти худро сарф кунед. Акунун зарур нест, ки ба истгоҳи аз сӯзишворӣ таъминкунӣ ва ҷойи мошиншӯӣ равед. Volvo ҳамаи ин корро ба ҷойи Шумо худ ба анҷом мерасонад.
Замимаи «Volvo Concierge» ба соҳиби автомобил дар тартиб додани ҷадвали иҷроиши вазифаҳо кӯмак мерасонад, аз он ҷумла пур кардани нақлиёт бо сӯзишворӣ ва ҳатто шустани мошин. Бо пардохт намудани хизматрасонӣ Шумо ба замимаи консерж калиди як маротиба истифодашавандаи рақамиро пешниҳод менамоед, ки ба кушодани дар ва сар додани муҳаррики автомобил имкон медиҳад. Вобаста ба давомнокии хизматарсонӣ мӯҳлати амали калид маҳдуд аст.
Аз хизматарсонии нави консерж дар доираи лоиҳаи худидорашаванда ё бесарнишин то 300 нафар соҳибони автомобили нави Volvo XC90 ва седан S90 истифода бурда метавонанд.
Мувофиқи пурсиши гузаронидашуда оид ба Volvo 70 %-и ронандагон мехостаанд, ки зери даст ёрдамчии аз сӯзишворӣ таъминкунӣ бошад, 56 % намехостаанд, ки дар гузаронидани хизматарсонии техникӣ иштирок кунанд ва 49 % зид нестанд, ки автомобил бе иштироки онҳо ба ҷойи лозима бурда расонида шавад.

Нет комментариев

Также рекомендуем

Интихоби дурусти либос

Мегӯянд, ки бо ягон кас оиди ранг ва табъ  бахс намудан лозим нест.  Равоншиносон мегӯянд, либосе, ки мо ба бар мекунем, бисёр чӣ гунагии шахсияти ...