Windows 10 қариб чоряки бозори системаҳои оператсиониро барои компютерҳои персоналӣ ишғол намуд

0
642 просмотров

Ширкати Net Applications оид ба бозори ҷаҳонии системаҳои оператсионӣ барои компютерҳои персоналӣ маълумоти омории ҷамъбасти моҳи августи соли 2016-ро ба даст овард.

Windows 10 устуворгардонии мавқеи худро идома дода истодааст. Пойгаҳи барномаи флагмании Microsoft қариб чоряки бозори ҷахониро ишғол намуд, агар дақиқтар гӯем 23,0 %. Барои мӯқоиса: як сол пештар ба ин ситемаи оператсионӣ 5,2 % ҳиссаи бозори ҷаҳонӣ рост меомад.

Бовуҷуди ин, ҳоло Windows 10  аз системаи оператсионии нисбатан маъруфи Windows 7 ақиб монда истодааст, ки ба ҳиссаи он  47,3 % бозори ҷахонӣ рост меояд. Хуллас ин истемаи оператсионӣ мавқеи худро аз даст дода истодааст. Моҳи августи соли 2015-ум он 57,7 % ҳиссаи бозори ҷаҳониро ишғол карда буд.

Дар ҷои сеюм бо натиҷаи 9,4 % системаи оператсионии Windows XP қарор дорад, ки имсол 15 солагии худро ҷашн гирифт. Як сол пеш ҳиссаи ин пойгаҳ ба 12,1 % баробар шуда буд.

Дар маҷмӯъ ба тафсирҳои гуногуни Windows 90,5 % бозори ситемаҳои оператсионии барои компютерҳои персоиналӣ рост меояд. Боз тақрибан 7,4 % ба macOS рост меояд. Ҳиссаи вариантҳои Linux наздики 2,1 % мебошад.

Нет комментариев

Также рекомендуем

Вазъи қурби асъор барои имрӯз 21.08.2017

Бонки миллии Тоҷикистон (БМТ) имрӯз, 21 август, бо мақсади ҳисобгирии муҳосибӣ ва пардохтҳои гумрукӣ қурби расмии асъори хориҷиро чунин муайян кардааст: 1 доллари ИМА = ...