Хӯрдани тухми офтобпараст асабро ором мекунад

0
102 просмотров

Ба мардуми мо одат шудааст, ки дар кӯчаву роҳҳо, ҳангоми тамошои филмҳо ва умуман дар аксар маврид офтобпараст истеъмол намоянд. Ба яке хӯрдани мағзи он писанд асту, дигаре бо шикастани донаҳои хурди офтобпараст асаби хешро ором мекунад.

Тухми офтобпараст, ки маъмулан онро мардум «семечка» мегӯянд, ба ҳамагон маълум аст. Коршиносон хабар медиҳанд, ки тухми офтобпараст ба саломатии инсон ҳам таъсири мусбат дораду ҳам манфӣ.

Таъсири мусбати он

Хӯрдани тухми офтобпараст асабҳоро оромӣ бахшида, ба бадқаҳрӣ, ҳаяҷон ва торҳои асаб нафъ мерасонад. Дар таркиби тухми офтобпараст витамини Е зиёд аст, ки он барои наслдиҳии мардон муфид аст. Инчунин дар тухми офтобпараст миқдори калсий, ки барои ҷисми инсон лозим аст, вуҷуд дорад. Хӯрдани тухми офтобпараст барои зардаҷӯш ва солимии мӯйҳо низ муфид шуморида мешавад.

Таъсири манфии он

Тухми офтобпараст барои сири дандонҳо зиён дорад. Он бемориҳои гурдаро пайдо мекунад. Хабар аст, ки бисёрии бибиҳое, ки тухми офтобпарастро зирбонда мефурӯшанд, пеш аз он ки онро ба шумо пешниҳод кунанд, дар гармогармияш пойҳои худро ба даруни зарфи тухми офтобпараст мегузоранд. Гӯё тухми офтобпарасти зирбондашуда дар гармияш ба буғумдард фоида дорад.

Мо дар бораи суду зиёни тухми офтобпараст ба шумо дастур пешниҳод намудем. Ҳоло бошад бораи интихоби семичка чанд маслиҳати хешро доданӣ ҳастем.

Нуриҳои минералие, ки ба офтобпараст дода мешавад, дар таркибашон элементи кадмий доранд. Ҳамаи навъҳои металҳои сахт ва кадмий зараровар мебошанд. Офтобпарасте, ки бо нурии менералии дар таркибаш кадмий дошта  парвариш карда шудааст, ба саломати зарари калон дорад. Зеро микдори ками кадмий  хусусияти паст кардани иммунитет ва суст кардани кори гурдаро доро мебошад. Барои ба ин ҳодиса дучор нашудан, бояд офтобпарастро, ки дар қуттиаш нишонаи ГОСТ-22391-89 мавҷуд аст, интихоб намуд. Ин аломат дар таркибаш ҷой надоштани элементи магнийро  нишон медиҳад.

Ҳамчунин шумо метавонед, офтобпарастро ба даст гирифта, онро пора кунед.  Агар дастонатон гуламоқ шавад, пас маълум мегардад, ҳангоми бо дандон шикастани он дар як маротиба як қошуқ чанг вориди меъдаатон мегардад. Ин навъи офтобпараст низ зараровар мебошад.

Бинобар ҳамин ҳангоми интихоб бодиққат бошед, аз маслиҳатҳои мо истифода баред!

 

 

Нет комментариев

Также рекомендуем