Хӯришҳои кореягӣ

1
897 просмотров

Солҳои охир  хӯришҳои кореягӣ  ба бисёр шаҳрвандон писанд меоянд.  Дар бисёр мағозаҳо ва бозорҳо  сабзии тунд,  карами туршу ширин ва дигар хӯришҳои кореягиро харидорӣ кардан мумкин аст.  Намуди зебо,  таъми хуш ва лаззати нотакрори  ин хӯришҳо  касро мафтун мегардонад.

Вале бохабар бошед,   истеъмоли  зиёди ин намуди хӯришҳо  ба касалиҳои гуногун  ба мисоли  зиёдшавии туршии меъда, нобиноӣ,  заъфи дил оварда мерасонад. Истеҳсолкунандагон ба хӯришҳои кореягӣ глютамат натрий, ки маводи кимёвӣ мебошад,  илова мекунанд.  Глютамат натрий  — ин намаки  мононатриявӣ буда,  ба хӯришҳо лаззати  хуш медиҳад  ва онҳоро  камоб мекунад.  Барои ҳамин  пеш аз харидани ин хӯришҳо ба миқдори оби дар зарфи хӯриш буда,  диққат диҳед.  Агар миқдори об зиёд бошад,  донед, ки ин хӯриш аз  глютамат натрий  бой аст.

Боз ба  бӯйи хӯриш диққат диҳед.  Агар ба димоғатон  бӯйи тези  қаламфуру  сирко расад,   аз харидории ин хӯриш даст кашед,  зеро ки баъзан  маводи камсифатро  бо воситаи  қаламфури зиёду  сирко рӯйпӯш мекунад.  Ба хотир доред, ки  хӯриши босифат  мӯҳлати истифодашавии   на зиёда аз   2  шабонарӯз дорад.

Беҳтараш аз хӯришҳои камсифат  харидорӣ накарда,  ба маслиҳатҳои мо диққат диҳед ва худатон  бо дили гарму  дастони пок  хӯришҳои  гуногунро тайёр кунед.  Мо аз ҷониби   худ  ба таваҷҷӯҳи шумо тарзи тайёр намудани  сабзии тундро мерасонем.

Ба таркиби  ин хӯриш  1 килограмм  сабзӣ, 1 дона пиёз,  1 дона сирпиёз,  қайлаи лубиё (соевый соус) ,  120 грамм сирко,  100 грамм равғани растанӣ,  қаламфури кӯфташудаи сиёҳ ва сурх,  кореандр, намак ва шакар медарояд.  Сабзиро  реза карда,  ба он камтар намак андозед ва дар сирко  ба муддати  ним соат хобонед. Баъд,  бо воситаи элак  обашро тоза карда, сабзии резакардашударо  ба зарф гузоред.  Ба сабзии тайрёшуда  қаламфури сиёҳ пошед,  камтар шакар  илова  кунед ва қайлаи лубиёро андозед.  Пиёзро реза карда,  дар равғани  растанӣ то ранги сурхи баланди сиёҳтоб шуданаш бирён кунед.  Баъд,  сӯхтаҳои  пиёзро чида гиред  ва ба равғани гармшуда,  қаламфури сурх  ва кореандрро  илова кунед.  Маводи тайёршударо  бо  сабзӣ омехта карда сирпиёзи қиммашударо илова кунед.  Сарпӯши зарфро зич пӯшед ва ба хунукӣ монед.  Агар хӯриши тайёршуда дар хунукӣ  ба муддати як шабонарӯз истад боз ҳам болаззаттар  мешавад.

Ин буд чанд маслиҳатҳои мо  оид ба тарзи  тайёр намудани  хӯриши сабзии тунд ва дигар хӯришҳои кореягӣ.

 

 

 

1 comment

Опубликовать новый комментарий

Также рекомендуем