ХАФТА

1
805 просмотров

XXX

президент23 январи соли чори паёми навбатии Президенти кишвар Эмомалӣ Раҳмон ба Маҷлиси Олии Ҷумҳурии Тоҷикистон ироа гардид. Зимни ироаи паём Сарвари давлат Эмомалӣ Раҳмон вазъи кунунии ҷомеаи Тоҷикистонро мавриди таҳлилу баррасӣ қарор дода,  самтҳои асосии сиёсати дохилию хориҷии давлатро барои оянда муайян намуд. Эмомалӣ Раҳмон, президенти  Тоҷикистон, дар паёми солонааш дар парлумон аз болоравии маошу нафақа дар кишвар хабар дод. Раиси ҷумҳури Тоҷикистон изҳор дошт, ки аз 1-уми сентябри соли равон музди меҳнати мақомоти ҳокимият, идораи давлатӣ, мақомоти ҳифзи ҳуқуқ ва хизматчиёни ҳарбӣ- 15 фоиз, маоши кормандони соҳаи маориф, варзиш, тандурустӣ — 20 фоиз, маоши кормандони соҳаи ҳифзи иҷтимоӣ, яъне хонаинтернету истироҳатгоҳҳо-25 фоиз зиёд карда мешавад. У таъкид кард, ки инчунин ҳадди нафақа ба ҳисоби миёна то 20 фоиз зиёд ва идрорпулӣ 30 дарсад зиёд карда мешавад. Раисҷумҳури Тоҷикистон илова намуд, ки музди меҳнати ҳадди ақал аз 1-уми сентябри соли равон дар кишвар 60 фоиз — аз 250 то ба 400 сомонӣ расонда мешавад. Ба иттилои Президент барои амалӣ кардани ин иқдом аз буҷаи давлат дар як сол 1 миллиарду 320 миллион сомонӣ равона мегардад. Ӯ ба Вазорати молияи Тоҷикистон таъкид намуд, ки амалишавии ин дастуротро саривақт таъмин кунад. Дар ин бора Pressa.tj хабар медиҳад.

XXX

Муассисаи давлатии «Маркази илмии Камоли Хуҷандӣ» ба ҷамъоварии дастхатҳои девони Камоли Хуҷандӣ шурӯъ намудааст. Алҳол як нусха аз девони хаттии Камоли Хуҷандӣ, ки дар китобхонаи Қудси Разавӣ таҳти шумораи 527 нигаҳдорӣ мешавад, дастрас гардидааст. Масъулини муассиса бо роҳбарии профессор Фахриддин Насриддинов барои овардани шаш нусхаи дигар, ки дар китобхонаҳои кишвари Эрон маҳфуз аст, талош доранд. Дар самти ҷамъоварии нусхаҳои хаттии девони Камоли Хуҷандӣ бо раёсати китобхонаи Маҷлиси Шӯрои исломии Теҳрон гуфтугузор сурат гирифт. Интизор меравад, ки аз ҷониби намояндагони Теҳрон нусхаи 2 адад дастхати Камоли Хуҷандӣ ба Муассисаи давлатии «Маркази илмии Камоли Хуҷандӣ» дастрас карда шавад. Дар ин бора аз хадамоти матбуотии Раиси вилояти Сугд хабар медиҳанд.

XXX

президентЗимни ироаи Паёми навбатӣ ба Маҷлиси Оли президенти кишвар Эмомалӣ Раҳмон ба парламенти кишвар пешниҳод кард, то соли 2015 -Соли оила эълон карда шавад. Ҳамчунин президент ёдовар шуд, имрӯз дар Тоҷикистон вайроншавии оилаҳо ба ҳар оилаи нухум хос аст. Танҳо соли гузаша шумораи вайроншавии оилаҳо ба 90 ҳазор баробар шудааст.Эмомалӣ Раҳмон, аз никоҳи хушутаборӣ ва тавлиди кӯдакони маъюб изҳори нигаронӣ кард. шумораи кӯдакони маъюб, ки дар марказҳои махсус нигоҳубин карда мешаванд ба 18 ҳазор баробар шудааст, қайд кард сарвари ҷумҳурӣ. Ин дар ҳолест, ки кӯдакони маъюб, ки дар шароити хона парвариш меёбанд, ба ин омор дохил нашудаанд. Дар ин бора Pressa.tj хабар медиҳад.

XXX

komandatadzhikistana_0Дастаи  мунтахаби ҷавонони  Тоҷикистон  оид ба  футбол ба бозиҳои  нимниҳоӣ  барои дарёфти  Ҷоми Иттиҳод — 2015, ки  дар  шаҳри  Санкт — Петербург  идома дорад,  роҳхат  пайдо  накард. Тавре  ки  аз Федератсияи  футболи  Тоҷикистон  хабар  доданд, футболбозони точик дар  вохӯрии  чорякниҳоӣ  бозиро  бо  ҳисоби  0:2 ба дастаи  Туркманистон бохтанд. Футболбозони тоҷик барои  ишғол  намудани  ҷойҳои аз  5 то 8 — ум  23  январ  бо  дастаи  Қирғизистон қувваозмоӣ намуданд. Дар ин бора агентии Ховар хабар медиҳад.

1 comment

Опубликовать новый комментарий

Также рекомендуем

Хариду фурӯши ноболиғ

Зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия, зани 25-солаи сокини ш.Панҷакент бо гумони хариду фурӯши ноболиғ дастгир карда шуд. Номбурда, рӯзи 19.06.с.2016, тахминан соати ...