Хатари вирус ба компютер ба воситаи сигори электронӣ

6
625 просмотров

Сигорҳои электронӣ ва дигар USB-гаҷҷетҳо боиси зарар дидани компютерҳои истифодабарандагон  аз вирус мегарданд. Тавре The Guardian-и бритониёвӣ менависад, сигорҳои электронӣ барои тамокукашон манфиат бахшанд ҳам, аммо ба компютерҳо хатари ҷиддӣ мерасонанд. Шарҳи бештари ин мавзӯъро, метавон дар портали  InoPressa мутолиа намуд.

Тавре дар мақола иттилоъ дода шудааст, аксари сигорҳои электронӣ аз USB-и ҷудошавандаи компютерҳо ва ноутбукҳо нерӯ мегиранд. Дар ҳолати пайвастшавӣ ба компютер, сигори электронии арзон, ки ҳатто номи истеҳсолкунандаи он маълум нест, ба таҷҳизоти электронӣ дастрасӣ пайдо мекунад. Ҳамин тавр, ба компютер ПО-и зараровар ворид хоҳад шуд.

Барои исбот намудани ин даъво, нашриёт мақолаеро ба табъ расонидааст. Онро истифодабаранда бо номи пинҳонии Jrockilla дар портали маъмули Reddit дарҷ намудааст.

Тавре ӯ иброз дошт, компютери як нафар топ-менеҷери ширкати бузург, аз ПО-и зараровар осеб дида буд. Сарчашмаи онро то дергоҳ муққарар карда натавонистанд. Аммо баъдан маълум гардид, ки сигори электронии истеҳсоли Чин боиси осеб дидани дастгоҳи электронӣ шудааст. Дар барномаи он ПО-и зараровар ҷойгир карда шуда буд.

Вақте ки сигор, ба USB-и порти компютер пайваст мешуд, вирус “ба хона занг мезад” ва ба система зарар мерасонид.

Мушовир оид ба бехатарӣ аз ширкати Trend Micro Рик Фергюсон ба ҳақиқат наздик будани ҳолати мазкурро тасдиқ намуд. Ӯ қайд кард, ки ПО-и зараррасон аз ин ҳам пештар мавҷуд буд: вай ба чорчӯбаи расмҳо, MP3-плеерҳо ва ғайра зарар мерасонид.

Ба андешаи Фергюсон, муассисаҳоро мебояд USB-портҳоро хомӯш кунанд, то ки кормандон танҳо аз дастгоҳҳои иҷозат додашуда истифода баранд. Кормандони оддӣ бошанд, антивирусҳоро васл намуда, онро бояд зуд-зуд нав карда истанд. Ҳамчунин онҳоро мебояд аз истифодаи дастгоҳҳои шубҳанок худдорӣ кунанд.

Хотиррасон мекунем, ки охирҳои моҳи июл мутахассисони соҳаи компютер, аз ширкати олмонии SR Labs дар бораи ошкор гардидани хатари ҷиддӣ, дар USB-канораҳои  (прошивка) стандартӣ хабар доданд. Иттилоъ дода шуд, ки гӯё ба мутахассисон муяссар гардидааст, то ки ба он коди зарароварро ҷойгир кунанд. Ба воситаи он ҷосусон метавонистанд, ба файлҳои дар диски мустаҳкам нигоҳдорӣ кардашуда дастрасӣ пайдо карда, интернет-трафикҳои истифодабарандагонро идора кунанд ва бо роҳи пинҳонӣ аз болои онҳо назорат баранд. Ҳамчунин ин ПО метавонист ба дигар USB-дастгоҳҳое, ки ба компютер пайваст шудаанд, зарар расонад.

сарчашма: http://hitech.newsru.com

6 comments

  1. Шахло 28 Ноябрь, 2014 at 11:00 Ответить

    Ман хайрон, инчо гап дар бораи вируси компютери, бахс бошад дар бораи сигарет партои… Сигарета камтар кашед, каалатон нагз корба медарод!

Опубликовать новый комментарий

Также рекомендуем