Хатои одамоне, ки хароб шудан мехоҳанд

0
2 680 просмотров

Шумо аз вазни муқаррарӣ 15-20 кг фарбеҳтар ҳастед ва барои аз он халосӣ ёфтан ба худтабобаткунӣ даст мезанед, ки ин хатои маҳз аст. Кӯшиш кунед, ки бе маслиҳати мутахассис ба парҳез шурӯъ накунед. Баъзеҳо барои харобшавӣ доруҳои гуногун истеъмол намуда, танҳо пас аз рӯ ба рӯ шудан бо мушкилиҳои ҷиддӣ пасон ба мутахассисон муроҷиат мекунанд. Тавре ки мегӯянд, илоҷи воқеаро пеш аз вуқӯъ бояд ҷуст. Ҳоло оид ба ҳамин мавзӯъ сухан меронем. Мутаваччех бошед!

                        

                                             Хатои одамоне, ки хароб шудан мехоҳанд

Мутаассифона, парҳезҳое, ки бештари вақт риоя мекунем, натиҷаи дилхоҳ намедиҳанд, агар диҳанд ҳам, вазни партофта дар муддати кӯтоҳ боз ҷойи худро мегирад. Баъзан вақт риояи парҳез ба бад шудани вазъи саломатӣ оварда мерасонад. Донистан мехоҳед, барои чӣ?

                                                               Гуруснагӣ

Фикр мекунед, ки чӣ қадар кам хӯред, ҳамон қадар зиёдтар хароб мешавед? Дуруст аст, ки агар ба организм калорияи кам ворид шавад, организм захираи равғани худро ҳазм карда, хароб мешавад. Вале барои ҳазми ана ҳамон равғани худи организм низ ферментҳои махсус лозиманд. Бояд гуфт, ки он ферментҳо дар организми худи инсон мавҷуданд, вале барои синтез шудани онҳо сафеда, равған, витамин ва микроэелентҳо лозиманд. Дар сурати нарасидани яке аз элементҳои номбаршуда хароб шудан ғайриимкон аст. Аз ин ба хулосае омадан мумкин аст, ки барои харобшавӣ гуруснанишинӣ кардан лозим нест.

                          Ё ин ки баъзе ашхос Экспресс-диета мегиранд

Муддати 7-10 рӯз то 5-10 кг вазни худро партофтан мехоҳед? Вале дониста монед,  вазни зиёдатие, ки партофтед, пас аз чанд рӯз барқарор мешавад. Зеро ҳангоми риоя намудани экспресс-диета ба организми мо моддаҳои муҳим, аз қабили витамин, клетчатка, сафеда, равғану карбогидратҳо намерасанд, ки дар натиҷа саломатӣ осеб мебинад. Натиҷаи парҳези нодуруст ин мӯйрезӣ, афтидани дандонҳо, нохуншиканӣ ва беқувват шудани нохунҳо мебошад. Албатта, бо риояи экспресс диетаҳо шумо дар муддати кӯтоҳ хароб шуда метавонед, вале вазни партофта дар як мӯҳлати кӯтоҳ метавонед ҷойи худро гирад, вале саломатиро дигар барқарор карда наметавонед.

                    Харобшавӣ тавассути ҷарроҳӣ

Барои ба вазни зиёдатӣ мубориза бурдан тоқат ва иродаи мустаҳкам лозим аст. Тавре  маълум аст, илми тиб чунон пеш рафтааст, ки тавассути ҷарроҳӣ метавон аз равғанҳои нолозими бадани худ халосӣ ёфт.  Беҳтараш ин роҳи харобшавиро истифода набаред. Кӯшиш кунед, аввал аз парҳез истифода баред. Ин гуна ҷарроҳиро барои гирифтани равғани зиёдатие, ки тавассути парҳез нест нашуданд ё барои таранг кардани пӯсти овезоншуда истифода мебаранд. Дониста монед, ки агар шумо тавассути ҷарроҳӣ ё ба ибораи дигар липосаксия равғани зиёдатии худро аз бадан гиред, пас равған метавонад дар қисми дигари бадан ҷамъ шавад. Кам нестанд нафароне, ки пас аз гирифтани равғани шикам бо ҷамъ шудани равған дар бозу ва манаҳи худ рӯ ба рӯ шуданд.

Дар хотир доред, ки фарбеҳии аз ҳад зиёд ҳам беморӣ аст. Барои ҳамин, пеш аз ҳама бояд бемориро табобат намуд, вагарна ҳама кӯшишҳо барабас мераванд.

 

Нет комментариев

Также рекомендуем