23-юми октябри соли 1974-ум дар ҷамъомади 75-умини Кумитаи байналхалқии Олимпӣ, дар Вена қарор қабул карда шуд, ки 22-юмин Бозиҳои тобистонаи олимпии соли 1980-ум дар Маскав гузаронида мешавад. Аллакай пас аз як сол Русия барои ин ҷашни ботантанаи азими варзишӣ ба тайёрӣ сар кард. Ин нахустин бозии олимпӣ даи Иттиҳоди Шӯравӣ буд. Дар Маскав, Ленинград, Киев, Минск ва Таллинн бозсозии иншоотҳои варзишие, ки дар онҳо гузаронидани мусобиқаҳои олимпӣ дар назар дошта шуда буд, оғоз ёфт. Кумитаи ташкилотии Олимпӣ ба интихоб намудани нишони рамзии бозии дар пеш истода сар кард. Сипас қарор дода шуд, ки таъвизи он хирсчаи русӣ мегардад. Зеро ин рамзи тавоноӣ ва матонат буд. Дар соли 1977-ум Русия озмуни акси беҳтаринро барои нишони Бозиҳои Олимпӣ эълон кард. Пас аз ба охир расидани озмун ангораи (эскиз) рассоми шинохтаи китобҳои бачагона Виктор Чижиков беҳтарин дониста шуд. 1-уми апрели соли 1977-ум тасвири акси Хирсак ба Кумитаи ташкилотӣ супорида шуда буд, вале онро барои коркард намудан пас гардонида шуд, зеро дар сурат нишони рамзи бозии олимпӣ ҷой надошт. Он вақт рассом қарор дод, ки дар рӯи расми хирсаки дӯстрӯяк миёнбандро дар намуди 5-ҳалқаи олимпӣ ҷой медиҳад. Тасвири навро ҳатто президенти Кумитаи байналхалқии олимпӣ Майкл Килланин пазируфт ва 19-уми декабри соли 1977-ум Хирсак ҳамчун рамзи расмии Олимпиадаи Маскав тасдиқ карда шуд. Аз ин вақт барориши тилисми олимпӣ бо акси Хирсак дар шакли васеъ оғоз ёфт. Ин ҳангоми миллионҳо лавҳаҳо, нишонҳои сарисинагӣ, тамғаҳо ва ғайра бо сурати Хирсаки хандидаистода бароварда шуданд. Лӯхтаки 6-метрае, ки сурати Хирсакро дошт, қаҳрамони ҳақиқии маросими пӯшидашавии Бозиҳои Олимпӣ гардида буд. Он дар Загорск, дар филиали Донишкадаи илмиӣ-тадқиқотии саноати резинии Маскав тайёр карда шуда буд. Матои махсуси аз ресмон ва резина офаридашударо бо гелий пур карда буданд. Барои он, ки Хирсак дар фазо рост парвоз кунад, вазни Хирсакро вазнинтар гардониданд. Дар рафти маросими пӯшидашавӣ Хирсакро бо ёрии 24 саққои аз ҳаво пуркардашуда ба болои майдон бароварданд. Дар вақти хайру хуш Хирсак дасташро ҷунбонида, дар осмон нопадид гардид. Минбаъд бо он Хирсаки резинӣ чӣ рӯй дод, ақидаи гуногун вуҷуд дорад. Асосиаш он аст, ки Хирсак ба Кӯҳҳои Гунҷишкон омада нишастааст, ки баъдан онро ба анбор гирифта бурдаанд. Овозаҳое буданд, ки яке аз фирмаҳои Олмони Ғарбӣ барои харидории ин тилисми Бозиҳои Олимпӣ 100 000 пули олмониро пешкаш намудааст. Мегӯянд, ки лӯхтак якчанд сол дар таҳхонаи Кумитаи Олимпӣ нигоҳ дошта шуда, баъдан нест карда шудааст.
Илон Маск пообещал полеты на Марс в 2019 году
Миллиардер заметил, что задуманные им временные рамки могут слегка отличаться от действительности. Илон Маск сообщил интересную информацию на южном фестивале Southwest в Остине, штат Техас, в ...
Нет комментариев