Хизматрасониҳои ройгон барои саёҳатчиён

0
579 просмотров

Бо расидани мавсим аксарият нақша мекашанд, то дар ягон кишвари хушманзар ё осоишгоҳ истироҳат ва саёҳат намоянд. Барои ин пеш аз ҳама барои сайру гаш ҷойи хуб интихоб мекунанд. Имрӯз барои саёҳаткунандагони тамоми дунё як қатор хизматрасонӣ ва замимаҳоро роҳандозӣ кардаанд, ки имкон дорад аз ҷойи маҳал барои худ мавзеи дилхоҳро интихоб намоянд. Ҳоло мехоҳем барои шумо чанде аз ин хизматрасониҳоро муаррифӣ намоем, ки истифодабарии он хеле қулай аст.

Tripster.ru— ин хизматрасонии ройгони русӣ буда, бениҳоят қулай аст. Бартарии ин сомона дар он аст, ки ҳама навъи хизматрасонӣ, маслиҳатҳои муфид ва маҳсулот барои истифодабарандагони одӣ роҳандозӣ шудааст. Яъне барои истифодаи сомона ба мушкилӣ дучор намегардед. Дар ин сомона нишон дода шудааст, ки чӣ тавр бояд саёҳат кард, ба мисли “Гаштугузор бо трамвай дар Рим”.

Инчунин, дар сомона метавонед дар бораи хӯроки хуб ё ҷойи хоб маълумот пайдо кунед. Ҳатто метавонед ба воситаи ин сомона мошин кироя гиред ва дар шаҳрҳои гуногун сайр кунед. Дар ҳар як замима нархи хизматрасонӣ нишон дода шудааст. Танҳо шуморо мебояд дар сомона номнавис шавед.

Anywayanyday.com— ба воситаи ин онлайн-хизматрасонӣ метавонед харидани чиптаи ҳавопаймо ва банд кардани меҳмонхонаро дар тамоми дунё анҷом диҳед. Дар ин сомона барои хоҳишмандон зиёда аз 800 ширкатҳои ҳавопаймо ва 330000 меҳмонхонаҳо фароҳам оварда шудааст.

Ин хизматрасонӣ барои ҳама дастрас буда, инчунин замимаҳои ройгон барои дорандагони смартфонҳои Android ва iOS пешбинӣ шудааст. Кор бо ин хизматрасони сода ва қулай аст.

Ба воситаи ин хизматрасонӣ метавонед бо нархҳои дастрас чиптаҳои ҳавопайморо фармоиш диҳед. Тариқи онлайн метавонед вақт ва рӯзи чиптаҳоро тағйир диҳед.

Booking.com— барои пайдо намудани ҷойи хоб ё меҳмонхонаҳои хусусӣ кӯмак мерасонад. Ин навъи хизматрасонӣ ҳатто дар телефонҳои мобилӣ дастрас аст.

Дар кадом кишваре хоҳед барои пайдо намудани ҷойи мувофиқ кӯмак мерасонад. Аз ҳама муҳим он аст, ки дар ин сомона истифодабарандагон метавонанд шарҳу таассуроти хешро бинависанд ва сатҳи хизматрасониро баҳогузорӣ намоянд. Ин маънои онро дорад, ки шумо метавонед хатоҳои дигаронро такрор накунед. Вале барои истифодаи хизматрасониҳо бояд номнавис шавед.

Намехоҳед дар меҳмонхона зиндагӣ кунед? Пас хизматрасонии airbnb.com истифода намоед.

Airbnb.com— бо кӯмаки ин хизматрасонӣ метавонед дар дилхоҳ шаҳр хонаҳои шахсӣ бо нархҳои дастрас ҳуҷра фармоиш диҳед. Бартарияти сомона дар он аст, ки метавонед беҳтарин ҷой барои хоб интихоб кунед, ҳатто дар қасрҳои Шотландия. Барои ин шуморо мебояд дар сомона номнавис шавед. Пас аз он хизматрасониҳо ба шумо дастрас мегарданд. Бехатарии сомона барои истифодабарандагон кафолат дода мешавад.

Боз кадом навъи хизматрасониҳоро Шумо барои саёҳат кардан медонед?

Хушҳол мешавем агар шумо боз ягон пешниҳод ё суоле доред ба мо нависед. Суроғаи мо: portal@tiroz.org

Нет комментариев

Также рекомендуем

Қабули навбатии Раиси шаҳр

Дар Мақомоти  иҷроияи ҳокмимяти давлатии шаҳри Хуҷанд дар асоси дастури Президенти Ҷумҳурии Тоҷикистон Эмомалӣ Раҳмон қабули навбатии шаҳрвандон аз ҷониби Раиси шаҳри Хуҷанд Раҷаббой Аҳмадзода ...