Ба қабати нон гузоштани ҳасибчаҳои гарм ва ба он илова кардани хардалро (горчичник) аввалин шуда муҳоҷири олмонӣ Чарлз Фелтман дар соли 1871-ум фикр карда баромадааст. Ӯ ин хӯрокаи худро Dachshund номида буд, ки дар тарҷума аз забони олмонӣ маънои «нарх»-ро дошт.
Эҳтимол номи маъруфи hotdog, ки мафҳуми «сагчаи гарм»-ро дорад, шояд аз намуди дарозак доштани ҳасибчаҳо пайдо шуда бошад, ки аз мамлакати Олмон ба Иёлоти Муттаҳидаи Амрико даромада омадааст.
Дар мамлакати Канада бошад, kubie — хот-дог бо ҳасиби украинӣ мавҷуд аст, ки онро kubasa меноманд.
Дар солҳои 30-юм, дар давраи Касоди бузурги иқтисодии Иёлоти Муттаҳидаи Амрико хот-догро «сэндвичаҳои замони касоди иқтисодӣ» меномиданд ва як донаи онро бо нархи 4 сент мефурӯхтанд.
Дар соли 1936-ум хот-догҳо ба яке аз хӯрокаҳои асосии кӯчагӣ табдил ёфтанд ва дар тамоми ҳудуди мамлакат ҳамчун хӯроквории серистеъмол фурӯхта мешуданд. Аз ҳама хот-доги калонтарини ҷаҳон дар давлати Парагвай барои тамошобинони Намоишгоҳи байналхалқии хоҷагии қишлоқ тайёр карда шуда буд. Ин хот-догро 245 нафар ошпазони моҳир дар плитаи махсуси газӣ тайёр карда буданд. Дарозии он хот-дог 203,8 метр ва вазнаш 265 килограммро ташкил дода буд. Хот-доги гаронбаҳотарин дар дунё, дар тарабхонаи «Serendipity 3″-и Ню-Йорк омода карда шуда буд. Арзиши он 69 долларро ташкил додааст. Дарозии ин маҳсулоти хӯрока қариб 30 см буда, онро аз гӯшти тару тозаи гов, ки дар равғани трюфел бирён гардида буд, тайёр карда буданд. Нони ин хот-догро махсусан аз Олмон оварда буданд, ки онро аз фуа-гра бо трюфелямҳои сиёҳ, пиёзи карамелии Видалия, афшураи олии помидор ва иловаҳои махсус пухта буданд. Аз сабаби норасогии таркиби хот-дог дар як шабонарӯз пешакӣ фармоиш медоданд.
Дар Токио хот-доги сип-сиёҳи ангиштмонандро дидан мумкин аст. Сабаби ин намуди рангро гирифтани хот-дог дар он аст, ки ҳам нон ва ҳам ҳасибчаҳоро дар сиёҳии калмар тар мекунанд. Ҳар сол санаи 4-уми июл дар Ню-Йорк, дар Кони-Айленд чемпионати хот-догхӯрӣ гузаронида мешавад. Дар ин чемпионат он нафаре ғолиб эълон карда мешавад, ки дар давоми 12 дақиқа миқдори зиёди хот-догро истеъмол мекунад. Рекордсмени он Ҷои Чеснат гардида буд, ки дар давоми 10 дақиқа 69 дона хот-догро истеъмол кардааст. Аз ҳама хот-догҳои маъмултарин 21-уми июли соли 1969-ум дар Моҳ аз тарафи кайҳонавардон Нил Армстронг ва Эдвином Олдрин истеъмол гардида буд. Қабл аз парвоз кардан ба фазо хот-догҳоро ях кунонида, дар қуттичаҳои махсус ҷойгир кунонида буданд, ки онҳоро тавассути қошуқ тановул карда мешуд. Бояд қайд намуд, ки он қуттиҳо ҳоло ҳам бо партовҳои дигар дар Моҳ қарор доранд.
Ҳаҷми бозори ҳасибчаҳои Иёлоти Муттаҳидаи Амрико 1,7 миллиард доллар ҳисобида шудааст. Ба ҳисоби миёна ҳар як сокини амрикоӣ дар давоми як сол зиёда аз 60 дона хот-дог истеъмол менамояд. 18-уми июл иди ғайрирасмии Иёлоти Муттаҳидаи Амрико Рӯзи хот-дог қайд карда мешавад. Санаи 18-уми июли соли 1957-ум ин ид аз ҷониби Палатаи савдои Иёлоти Муттаҳидаи Амрико ҳамчун иди расмӣ эълон карда шудааст.
Оё Шумо медонед, ки хот-дог дорои чӣ қадар калория аст? Биёед ҳисоб мекунем: Нон барои хот-дог — 280 ккал, ҳасибча 50гм — 160 ккал, майонез 50 ккал, афшураи помидор 20 ккал, бодиринги намаккардашуда 20 ккал мебошад. Ҳамагӣ дар хот-дог тақрибан 500 ккал мавҷуд аст. Агар Шумо ин миқдор калорияро кам ҳисобед, метавонед онро бо нӯшокии кола истеъмол намоед. Бояд гуфт, ки ба ғайр аз хот-догҳои «сагчаҳои гарм» боз «сагчаҳои сард» низ мавҷуданд. Вале онҳо ба хотдогҳо ягон алоқамандӣ надоранд. Сагчаи сард, ки дар Олмон, Италия ва дар якчанд кишварҳои дигар ҳамчун хӯрокаи хушки ширин аз кӯлчақанд ва қиёми шоколад пухта мешавад, хело маъмул аст.
Нет комментариев