Як андоза кам шудани ҳолатҳои сироятёбии сокинон аз COVID-19

0
148 просмотров

Рӯзҳои охир дар мамлакат ҳолатҳои сироятёбии сокинон аз бемории  COVID-19 то андозае поён рафта, муроҷиати шаҳрвандон низ ба муассисаҳои тиббӣ  бо нишонаҳои гирифторӣ ба коронавирус кам гардидааст.  Ин нукта имрӯз  зимни ҷаласаи навбатии Ситоди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба андешидани тадбирҳои мушаххас ҷиҳати пешгирӣ ва табобати гирифторони коронавируси нави COVID-19 зикр гардид.

Тавре аз Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» хабар доданд, дар ҷаласа гуфта шуд, ки ҳарчанд дар ҷумҳурӣ ҳолатҳои  сироятёбӣ аз  COVID-19  кам шудааст, чораҳои пешгирикунанда ва табобати ин беморӣ бояд боз ҳам пурзӯр карда шаванд.

Вазири тандурустӣ ва ҳифзи иҷтимоии аҳолии мамлакат Ҷамолиддин Абдуллозода иброз дошт, ки ҳадаф ва мақсад аз баргузории ҷаласаи навбатии ситоди вазорат пурзӯр намудани чораҳои зиддиэпидемикӣ, дарёфт, ташхис ва муолиҷаи беморони коронавируси нави COVID-19 ва пурзӯр намудани гаштҳои хонагӣ, назорати бемороне, ки дар хона табобат мегиранд, мебошад.

Дар охири ҷаласа Вазири  тандурустӣ ва ҳифзи иҷтимоии аҳолӣ  таваҷҷуҳи сардорони раёсатҳои тандурустӣ ва роҳбарони муассисаҳои тандурустиро ба масъалаи назорати беморон ва таъмини онҳо бо маводи доруворӣ, пурзӯр намудани чораҳои пешгирикунанда ва дигар масъалаҳо ҷалб намуда, ҷиҳати боз ҳам беҳтар намудани хизматрасонии тиббӣ ва бартараф намудани камбудиҳои мавҷуда ба масъулин дастуру супоришҳои мушаххас дод.

Манбаъ: АМИТ «Ховар»

Нет комментариев

Также рекомендуем

10 фатҳи Hi-Tech-и рахнакунандаи занон

Занон бисёр чизро ихтироъ кардаанд, ки онҳоро мардон бо қаноатмандии бузург истифода мекунанд. Яхдону танпўши тирногузар ва ҳатто оби ҷав низ ихтироъи бонувон аст. Бале, ...
%d такие блоггеры, как:

Сообщить об опечатке

Текст, который будет отправлен нашим редакторам: