Як асрори хушҳолӣ

0
96 просмотров

Аксарият дар хотир доранд, ки дар давраи кӯдакӣ модаркалонҳо, модарон ва ё омӯзгорон дар кўдакистон нӯшидани равғани моҳиро маҷбур мекарданд. Кӯдакон ин супоришро ҳамчун ҷазои сахттарин қабул мекарданд. Бо вуҷуди ин, падару модарон самимона бовар мекарданд, ки  равғани моҳӣ дар ҳақиқат барои мустаҳкам намудани иммунитет ва инкишофи организми насли наврас хеле муфид аст. Ҳамчунин, равғани моҳӣ раванди мубодиларо дар ҷисми инсон мўътадил нигоҳ дошта, равғани зерипӯстиро коҳиш, холестиринро аз хун дур, организмро аз моддаҳои нолозим пок месозад ва дар ниҳояти кор боиси камшавии вазн мегардад. Аммо бояд гуфт, ки ҳангоми истеъмоли равғани моҳӣ аз пурхӯрӣ низ даст кашед, зеро истеъмоли хӯрокҳои серғизо барои кам шудани вазн халал мерасонанд.

Равғани моҳӣ – чӣ аст?

Моеъи равғанини шаффоф буда, ҳамчун  озуқавории иловагӣ истифода бурда мешавад. Он аз оилаи равғанмоҳиҳо, бахусус аз ҷигари чунин моҳиҳо тайёр карда мешавад.  Таркиби равғани моҳӣ аз чунин компонентҳои муҳим:  Омега – 3,  кислотаҳои равғанӣ, витаминҳои А, E, D хеле бой аст. Илова бар ин, дар таркиби равғани моҳӣ  элементҳои бром,  калсий, магний, хлор, манган ва оҳан зиёданд.  Хусусиятҳои шифобахши равғани моҳӣ, чун танзимкунандаи витаминҳои фосфору калсий тавсиф карда шудаанд.

Хулоса, равғани моҳӣ барои бартараф намудани кадом бемориҳо муфид аст?

Дар таркиби равғани моҳӣ витаминҳо ва кислотаҳои Омега-3 мавҷуданд, ки ба организми инсон таъсири хуб мерасонанд.

Витамини A (ретинол) – ба луобпардаи бофтаи бадан ва сифати пӯст хеле муфид аст. Дар хубтар шудани кори узви биноӣ дар торикӣ,  ҳамчунин фарқ карда тавонистани рангҳо мусоидат мекунад. Бояд гуфт, ки нарасидан ё набудани витамини А, ба хушк шудани пӯст ва бофтаҳои луобпардавӣ, мӯртшавии мӯй ва нохунҳо оварда мерасонад.

Витамини D ба маъданҳо (фосфор, калсий ва ғайра), барои дар ҳуҷайраҳои организм ҷаббида шуданашон кӯмак мерасонад.

Истифодаи он барои пешгирии рахит ва инкишофи устухон хеле мувофиқ аст.

Равғани моҳӣ дар коркарди серотонин кӯмак мерасонад. Серотонин – ҳормони рӯҳияи болида ва хушбахтӣ мебошад, ки барои мубориза бурдан бо асабоният, хашмгинӣ, рӯҳафтодагӣ ва стресс кӯмак  мекунад.

Ҳамчунин,  равғани моҳӣ мағзи сари инсонро аз бемориҳое, ки боиси аз даст додани хотира ва камақлӣ мегарданд, муҳофизат мекунад.

Азизони дил, ин буд чанд маълумот дар бораи хусусиятҳои шифобахши равғани моҳӣ. Кӯшиш мекунем дар бахшҳои навбатӣ низ дар ин бора бароятон маълумоти боз ҳам муфассалро пешниҳод намоем.

Нет комментариев

Также рекомендуем

Эколайфхаки: Как экологично покупать продукты?

Специалисты Greenpeace подсчитали: 70% бытового мусора — это упаковки от продуктов питания. Каждый из нас может ежедневно помогать планете, придерживаясь несложных принципов и правил. О том, как покупать продукты без ...