Шаби гузашта як қисми шоҳроҳи Душанбе-Чаноқ фурӯ рафт

0
878 просмотров

Як қисмати роҳи Душанбе-Чаноқ, шоҳроҳе, ки шимоли Тоҷикистонро бо марказ пайваст мекунад, шаби гузашта фурӯ рафтааст.

Тавре сӯхангӯи филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон Далери Абдулло зимни сӯҳбат ба мухбири АМИТ «Ховар» хабар дод, ҳодисаи мазкур тахминан соатҳои 2-и субҳи имрӯз рух додааст.

Ба гуфтаи Далери Абдулло, дар ин соат дар 138-ум километри роҳи Душанбе-Чаноқ дар ҳудуди деҳаи Хушекати ноҳияи Айнӣ ҳудуди 35 метр роҳ фурӯ рафт.

Ба иттилои манбаъ кормандони ширкат дар ҷойи фурӯрафтаи роҳ феълан роҳи муваққатӣ кушодаанд.

«Новобаста аз он, ки ҳодиса шабонгоҳ рух дод, дар муддати кутоҳ қисмати техникаҳои пуриқтидор ба ин минтақа сафарбар шудаанд. Бо заҳмати кормандони ширкат аз дили кӯҳ роҳи муваққатӣ сохта шуда,  ҳаракати якҷонибаи воситаҳои нақлиёт муваққатан таъмин карда шуд», — гуфт Далери Абдулло.

Сабабҳои фурӯравии як қисмати роҳи Душанбе-Чаноқ аз ҷониби масъулони ширкат дар ҳоли таҳқиқ  аст.

Дар паи ҳодисаи мазкур   талафоти ҷонӣ ва моддӣ ба қайд гирифта нашудааст.

Манбаъ: Сомонаи АМИТ «Ховар»

Нет комментариев

Также рекомендуем

Илати хобрафтагии дасту по

Мутахассиси тибби суннатӣ бо ишора ба илали хобрафтагии дасту по, роҳи табиии дармони ин мушкилро шарҳ дод. Муҳаммадҷаводи Исломипур дар робита бо хоб рафтани дасту ...
%d такие блоггеры, как:

Сообщить об опечатке

Текст, который будет отправлен нашим редакторам: