Субҳи имрӯз, 29 декабр дар Регистони Панҷшанбеи шаҳри Хуҷанд ярмарка-фурӯши маҳсулоти кишоварзӣ оғоз ёфт.
Дар ярмарка корхонаҳо ва кишоварзони шаҳру ноҳияҳои Хуҷанд, Бобоҷон Ғафуров, Деваштич, Истаравшан, Мастчоҳ, Шаҳристон, Панҷакент, Кӯҳистони Мастчоҳ, Гулистон маҳсулоти гуногун, аз ҷумла картошка, пиёз, сабзӣ, гӯшт, гӯшти парранда, тухм, биринҷ, равған, меваҷот, полезиҳо, маҳсулоти шириву қаннодиро нисбати нархҳои бозор аз 30 то 40 % арзон пешниҳоди сокинон намуданд.
Ба ярмарка-фурӯши маҳсулоти кишоварзӣ 268 тонна маҳсулот, аз ҷумла, 125 тонна картошка, 50 тонна маҳсулоти шириву гӯштӣ ва нӯшокиҳо, 23 тонна пиёз, 11 тонна сабзӣ, 10 тонна равған, 9 тонна себ ва дигар маҳсулот бароварда шуд.
Зимнан, ярмарка-фурӯши маҳсулоти кишоварзӣ бо ибтикори Мақомоти иҷроияи ҳокимияти давлатии вилояти Суғд бахшида ба соли нави мелодӣ баргузор гардида, он санаи 30 декабр низ идома меёбад.
Нет комментариев