Хуҷанд: Ярмарка-фурӯши ниҳолҳо ва зироати кишоварзӣ баргузор гардид

0
431 просмотров

Рӯзи гузашта, 23 феврал дар маркази вилояти Суғд — шаҳри Хуҷанд намоиш-фурӯши ниҳол ва дигар зироати кишоварзӣ доир гардид.

Тавре ки ба АМИТ «Ховар» аз Сарраёсати кишоварзии вилояти Суғд иттилоъ доданд, бо ташаббуси Мақомоти иҷроияи ҳокимияти давлатии вилояти Суғд баҳри такон бахшидан ба маъракаи сабзазоркунию ободонӣ, омодагӣ ба фасли баҳор ва оғози мавсими кишту кор дар навоҳиҳои вилоят дар майдони назди Театри мусиқӣ-мазҳакавии ба номи Камоли Хуҷандии шаҳри Хуҷанд намоиш-фурӯши ниҳолҳо, кӯчату тухмии гулҳо ва дигар зироати кишоварзӣ баргузор гардид. Дар он хоҷагидорону кишоварзони шаҳру навоҳии вилоят, ки ба истеҳсоли ниҳол, кӯчату тухмии гулҳо ва дигар зироати кишоварзӣ машғуланд, иштирок намуданд.

Дар намоиш беш аз ҳаштсад ҳазор ниҳоли ороишии ҳамешасабз, мевадиҳанда, сояафкан, гулу бутта ва тухмии зироат пешкаши харидорон гардонида шуда, инчунин дар нуқтаҳои маслиҳатдиҳӣ  олимону мутахассисони соҳа роҷеъ ба парвариши ниҳолҳо ва зироат ба сокинон тавсияҳои судманд доданд.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: