Ярмарка-фурӯши ниҳолҳо доир мешавад

0
361 просмотров

Дар шаҳри Хуҷанд  28 феврал ярмарка — фурӯши ниҳол ва дигар зироатҳои кишоварзӣбаргузор хоҳад гашт.

Бо ташаббуси мақомоти иҷроияи ҳокимияти давлатии вилоят  бахшида ба фарорасии фасли баҳор ва оғози мавсими кишту кор, такон бахшидан ба маъракаи сабзазоркунӣ ва ободонӣ дар шаҳру ноҳияҳои вилоят  28 феврал дар назди Театри мусиқӣ-мазҳакавии ба номи Камоли Хуҷандии маркази вилоят ярмарка — фурӯши ниҳолҳо, кӯчату тухмии гулҳо ва дигар зироатҳои кишоварзӣ доир мегардад, ки дар он хоҷагидорону кишоварзони шаҳру навоҳии вилоят, ки ба истеҳсоли ниҳол, кӯчату тухмии гулҳо ва дигар зироатҳои кишоварзӣ машғуланд, иштирок хоҳанд кард.

Дар назар аст дар ин рӯз ниҳолҳои ороишии ҳамешасабз, мевадиҳанда, сояафкан, гулу бутта ва тухмии зироатҳо пешкаши харидорон гардонида шуда, инчунин нуқтаҳои маслиҳатии олимону мутахассисони соҳа роҷеъ ба парвариши ниҳолҳо ва зироатҳо ташкил карда шаванд.

Оғози ярмарка соати 9:00.

Дар ин бора sugd.tj  хабар медиҳад.

Нет комментариев

Также рекомендуем